Motorcycle hawh theiha siam dan ngaihtuah; District khawpuiah Two-wheeler Taxi

Aizawl | September 24, 2020: Nimin khan State Transport Authority (STA), Mizoram chu Transport Department Director’s Committee Room-ah STA Chairman Pu K.T. Beicho, IRAS, Commissioner & Secretary, Transport Department hovin meeting neih a ni.

Meeting-ah hian Mizoram-a Motorcycle hawh theihna dan, Rent-a-Motorcycle Scheme hmang ve tura hmalak te, Ambulance leh Morgue Van Specification duan te, District Headquarters hrang hrang a Two-wheeler Taxi Service siam chungchang te leh a dangte rel a ni.

Sawrkar tarlan danin, State Transport Authority hi Section 68 of the Motor Vehicle Act hnuaia din a ni. Lirthei chungchanga thuneihna sang tak nei, Statutory Body a ni. Tun dinhmuna STA hotute chu-
1. Chairman: Pu K.T. Beicho, IRAS, Commissioner & Secretary, Transport Department
2. Member Secretary- Er. R.Lalrammawia, Director, Transport Department;
3. Associate Secretary- Pu C.Lalbiakthanga, Joint Secretary (STA), Transport Department
4. Member te: Pu R. Thangseia, Champhai; Pu K.Lalrinliana, Lunglei; Pu Sangliana, Aizawl.

Post a Comment

He post chungchanga i ngaihdan lo sawi ve rawh:

Previous Post Next Post