Mizorama Hri vei dam tawhte chhuahtir dan tur kalphung mumal ngaihtuahtu tur committee din

Aizawl | September 10, 2020:  Vawiin tlai khan Health & Family Welfare Minister Dr R Lalthangliana hovin daktawr thiam-ten Mizorama COVID-19 positive case chungchang an sawiho.

Vawiin thutkhawmah hian khawvel hmun hrang hranga zirchianna atanga COVID-19 hrik hnathawh dan te sawiho a ni a, he natna hi natna thar a nih avangin a nihphung hriat a har thu leh ngaihdan nghet tak siam a harsat thin thu pawh sawilan a ni.

Mizorama COVID-19 positive te dinhmun pawh sawiho niin COVID-19 positive damdawiina enkawl an nih dan tlangpui tarlan a ni a, COVID-19 vei enkawlte damdawiin atanga chhuahtir dan tur pawh kil tin atang ngaihdan hrang hrang thawh khawm a ni a. vawiina thukhawm hian Mizorama hman tur Discharged Policy mumal tak neih tha an ti a, hemi ngaihtuah tur Committee an din nghal a, naktukah thutkhawm hmasa ber an nei nghal dawn a ni.

He Committee din thar hian khawvel hmun hrang hranga COVID-19 veite an enkawl dan kalphung an zir bakah Mizoram chhunga COVID-19 case nihphung an zirchiang ang a, Mizoram tana him thei ang ber turin ruahmanna an siam dawn a ni.

He Committee ah hian Public Health Professionals, Microbiologists, Physicians, University professors te leh hetiang lama thiamna bik neite an tel a ni.

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]