MIZORAM CHHUNGA SORKAR SCHOOL AH ZIRTIRTU HNA RUAK A AWM LO - Union Education Minister

Sept 20, 2020: India hmar chhak kil Mizoram ah chuan Sorkar school ah zirtirtu hna ruak a awm lo, Bihar state ah zirtirtu hna ruak a tam ber a, 2.7 lakh lai a awm a, Uttar Pradesh 2.1 lakh in a dawt a ni. Zirtirtu post awm ațanga chhuta zirtirtu hna ruak tam danah Sikkim 57.5% a sang ber a, Jharkhand, Bihar leh  Uttar Pradesh ten an dawt a ni. India ram pumah zirtirtu hna ruak hnawh khah loh 17.1% a awm mek a ni.



Nimin Inrinni khan 
Lok Sabha zawhna lut ziaka  chhannah Ramesh Pokhriyal, Union minister for education chuan he thu hi a tar lang a ni.

 “Zirtirtu lak hi tih chhunzawm reng a ni a, heti a ni chung hian zirtirtu pension chhuak leh zirlai an pun chhoh zel avangin mamawh zat a tam chho zel bakah zirtirtu pakhatin zirlai a vil hneh tur tawk tehna a danglam chho zel a, hei vanga zirtirtu hna ruak hi awm a ni. Education hi India Constitution ah concurrent list a awm a nih avangin Zirtirtu hna lak an service chungchang leh rawih dan chungchang te hi  State/UT Sorkar hnuaia awm a ni,” Education Minister chuan a ti.

Education Ministry (HRD Ministry a ni tawh lo) data tih chhuahin a tar lan dan chuan State 6 te chuan zirtirtu hna ruak  20% aia sang nei an awm:
Jharkhand          40.1%
Bihar                    39.9%
Uttar Pradesh    28.8%
Uttarakhand       24.3% Chhattisgarh      21.7%

India ram pumpuiah Sorkar sikul zirtirtu hna phalsak zat (sanctioned post) nuai  awm zingah  2020-21 academic session ah hian hna ruak 10.6 lakh a awm a ni.

Heng zingah hian Mizoram chu zirtirtu hna ruak awm lohna (no vacancy) awm chhun a ni a,  Zirtirtu hna ruak awm tlemna dang te chu:
Maharashtra    0.8%
 Tamil Nadu      1.4%
 Punjab              2.2%
Gujarat              2.6%
 Nagaland         2.7% 
 Kerala               2.8%

Arunachal Pradesh, Tripura, Odisha leh  Meghalaya te pawh hian zirtirtu hna ruak 5% aia hniam an nei bawk a ni.

State & UT 10 ah te chuan Zirtirtu hna ruak hi  11.1% - 19.5% inkar an nei a ni :

Madhya Pradesh    19.5% Jammu & Kashmir 16.6% Karnataka                 14.2%
Andhra Pradesh      14.1% Manipur                    13 %
Telangana                12.7%
Rajasthan                 11.6%
West Bengal            11.3%
Delhi                          11.1%

Source :
Times of India 
September 20, 2020 
@ 14:41 IST
===20==09==20==
Huna Kawlvawm

Post a Comment

0 Comments