Mizo Tlangval Dayne Thiamsangliana NDA tling thar

Aizawl | September 20, 2020: Mizo tlangvalDayne Thiamsangliana s/o Lalhmingsanga, Chanmari West, Aizawl chu vawiina UPSC in NDA & NA Final Result a tih chhuah takah a tling.



Dayne hian Medical fitness pawh a paltlang tawh a, Indian Army a officer ni tura training turin National Defence Academy, Pune a zawm thuai dawn niin thudawnna chuan a tarlang.

Mizo tlangval Dayne Thiamsangliana, Chanmari West chu UPSC in NDA & NA exam final result a tihchhuah takah a tling a. All India Merit list tihchhuah taka mi 662 tling zingah 349-na a ni phak a ni.

Dayne Thiamsangliana hi Pu Lalhmingsanga leh Pi Zonunmawii te fapa niin, Chanmari West, Aizawlah an cheng a. Dayne hian Indian Army Officer ni tura result duhawm tak nei chungin Indian Army Officer training-na hmun National Defence Academy, Pune a zawm thuai ang.


Dayne Thiamsangliana'n hlawhtlinna chang tura a thawhrimna hi kan ngaihlu a, a hlawhtlinna kan lawmpui takzet a ni. A hmalam hun atan duhsakna kan hlan e.

Post a Comment

He post chungchanga i ngaihdan lo sawi ve rawh:

Previous Post Next Post