MHA-in inhawn zauna atan inkaihhruaina thar a tichhuak; Sikul hawn chungchang-ah State/UT kutah zalenna a pe

  • Containment Zone pawnlamah chuan inhawn zau belh a ni
  • October ni 31, 2020 thleng Containment Zone chhungah chuan khauh taka inkharkhip kalpui chhunzawm a ni ang.


September 30, 2020: Ministry of Home Affairs (MHA)  chuan vawiin khan Containment Zone pawnlama inhawn zau belhna atana inkaihhruaina thar a tichhuak a. He inkaihhruaina hi October ni 1, 2020 atanga hman tan tur a ni a. Hemi hnuaiah hian zau leh zual zawk a inhawn belh a ni a.  Inkaihhruaina thar vawiin a tihchhuah hi State leh UT atanga feedback dawnte leh Central Ministry leh Department kaihhnawihte nena zau taka inrawn khawmna neih behchhan a siam a ni. 

Inkaihhruaina thar hnuaia kalphung tur
Containment Zone pawn lama October ni 15, 2020 atanga khapna lo hlih tawhte
Cinema/theatre/multiplex te chu an seat capacity atanga 50% nena hawn phal an ni ang a,  hemi atan hian SOP chu Ministry of Information & Broadcasting in a tichhuak ang.  Business to Business (B2B)  Exhibition-te chu buatsaih phal a ni ang a,  hemi atana SOP chu Department of Commerce in a tichhuak dawn a ni.  Infiammite training na atana swimming pool hmante chu hawn phal an ni ang a,  hemi atana standard operating procedure (SOP)  chu Ministry of Youth Affairs & Sports (MoYA&S) in a tichhuak ang.  
Intihhlimna park te leh hetiang ang chi hmun hmate chu hawn phal a ni ang a,  hemi atana SOP chu Ministry of Health & Familt Welfare (MoHFW)  in a tichhuak ang. 

Sikul,  college,  education Institution leh coaching institution te hawn chungchang
Sikul leh coaching institution hawng chungchangah chuan State/UT Sorkarte  chu October ni 15, 2020 hnulamah chuan thluthlukna siam kawngah thuneihna zau zawk pek an ni a. Uluk taka dinhmun thlir chungin thuthlukna hi sikul/institution thuneitute nena inrawn khawm a, a hnuaia tarlante behchhan hian siam tur a ni ang:

Online/distance learning chu zirtirna kalpui dan atana duhthusam ber a la ni chhunzawm zel ang a,  hetiang a zirna kalpui tur hian infuih zel a ni ang.  Sikulin online class a buatsaih a nih chuan zirlai thenkhatin sikul a class kal aia online class kal an thlang zawk anih chuan phalsak an ni ang a.  Zirlaite chuan an nu leh pate phalna ziak a an neih chauhin sikul/institution ah kal phalsak an ni ang. 

Attendence lak tur a nilova,  nu leh pate remtihna ah innghah tur a ni. 
State/UT te chuan Sikul/institution hawn kaihhnawihah hian hriselna leh himna atana invenna  SOP an buatsaih ang a. He SOP hi Department of School Education and Literacy (DoSEL),  Ministry of Education,  Government of India chuan tualchhung dinhmun thlir chungin a tichhuak ang. 
Sikul,  inhawn phalsakte chuan State/UT hnuaia Education Department in SOP a tihchhuah chu an zawm ngei tur a ni a.  Department of Higher Education (DHE),  Ministry of Education chuan College te/ Higher Education Institution te inhawn hun tur chungchang a thuthlukna chu boruak thlir reng chung leh Ministry of Home Affairs (MHA)  nena inrawn chungin a siam ang. Online/distance learning chu zirna kalpui dan atana duhthusam ber a la ni chhunzawm ang a,  hetiang a kalpui tur hian infuih chhunzawm a ni ang. 
Hetihrual hian Higher Education Institution te chu research scholar-te (Ph.D) leh post-graduate zirlai science leh technology stream a mi laboratory/experimental works  tih ngaite chu October ni 15, 2020 atang hian a hnuai a mi ang hian hawn phal a ni ang:

Centrally Funded Higher Education Institution a Institution Head chuan science leh technology stream a research scholar-te leh post-graduate zirlaite'n laborayory/experimental works an tih ngei a ngaih leh ngaihloh a chian tur a ni a. Higher Education Institution dang zawng, entirna, State Unuversity-te,  Private University-te leh a dangte chuan research scholar te (PhD)  leh post-graduate zirlai science leh technologt stream a mi laboratory/experimental works tih ngaite tan an Stare/UT thuthlukna siam zulzuiin a hawng thei ang.

Punkhawm chungchanga Sorkar inkaihhruaina
Social/academic/sports/entertainment/cultural/religious/political funtion te leh thildang vanga punkhawm chu Containment Zone pawnlamah chuan mi 100 aia tamlo chin tan phal a lo ni tawh a.  State/UT sorkarte chu Containment Zone pawnlamah chuan October ni 15, 2020 hnulamah chuan mi za aia tam punkhawm phal leh phalloh chungchangah thuneihna zau zawk pek an ni a.  Amaherawh chu a hnuai a tarlan zulzui hian phalna pek tur a ni ang:
Inchhung a punkhawmna ang chiah chuan mi 200 aia tamlo,  hall capacity atang a 50% aia tam lo phalsak an ni ang a. Mask vuah,  social distancing zawm, thermal scanning tih leh kutsil emaw sanitizer hman emaw te dan ang a kalpui a zawm ngei tur a ni a.  Pawnlama punkhawmna ang chi ah chuan a hmun hma len leh tet dan azir leh social distancing leh mask vuah,  thermal scaning leh hand wash emaw sanitize emaw hman khauh taka kalpui anih chuan phal a ni ang.  Hetiang a punkhawmna atang hian COVID-19 hi a darhlohna turin State/UT Sorkarte chuan punkhawm chungchang a inkaihhruaina siamin strict takin a kalpui ang.  

A hnuaia tarlang tihloh thildang zawng chu containment zone pawnlamah chuan phal vek a ni ang:
MHA in phalna a pek tihloh passenger tana international air travel. 
Inkharkhip chu Containment Zone chhunglamah chuan October ni 31, 2020 thleng khauh taka kalpui tur a ni. 
Hri inkaidarh tur venna atana MOHFW inkaihhruaina siam zulzuiin Containment Zone huam chin chu micro level ah District thuneitute'n an ruahman ang.  Containment zone chhungah te chauh khauh takin containment measure te chu kalpui tur a ni a, nitin khawsak mamawh lam chauh phal a ni ang.  Containment zone chhunglamah chuan inkhuahkhirhna khauh taka kalpui a ni ang a,  nitin khawsak mamawh lam chauh phal a ni ang.  Heng containment zone te hi state /UT leh District collector-te website ah tarchhuah a ni ang a, MoHFW pawh information hi hrilh hriat a ni ang. 
State-te chuan Containment Zone pawnlamah inkharkhip an puang tur a nilo. 

State/UT Sorkarte chuan Sorkar laipui rawn hmasa lovin tualchhungah (State/District/Sub-division /city/village level( ah te inkharkhip an puang tur a nilo. 

Inter-State leh intra-state movement ah inkhuahkhirhna a awm lo
Inter-State leh Intra-state a mihring veivak leh bungraw phur tan inkhuahkhirhna a awm lo ang a. Veivahna atan hian oermission/approval/e-permit hranpa a ngai lo.

COVID-19 management atana National Directives
COVID-19 atana National Directives chuam social distancing dan zawm anih ngei theihna atan rampum huap a la hman chhunzawm tur a ni a. Dawrte chuan an mahni dawrtute'n physical distancing an zawm theihna atan hmalak a ni ang a.  MHA chuan National Directives zawm anih leh nihloh uluk takin a vil reng dawn a ni. 

Dinhmun derthawng a awmte venhimna
Dinhmun derthawng a awmte,  i.e., kum 65 chin chunglam,  natna benvawn nei,  raipuar leh naupang kum 10 chin hnuailamte chu thil tul bik tak leh hriselna kaihhnawih a nihloh chuan pawnchhuaklo tura rawn an ni. 

Aarogya Setu
Aarogya Setu Mobile application chu a remchan ang a hman chhunzawm tur a ni. 

*****
- PIB Aizawl

Post a Comment

0 Comments