Sept 25, 2020: Sekhar Basu (68)India nuclear scientist thiam leh țangkai tak chu Ningani zing dar 3:35 khan Kolkata Hospital pakhatah COVID-19 vangin a thi. Sekhar Basu hi India ram nuclear research nasa taka kalpuitu leh bultumtu zinga mi a ni. Atomic Energy Commission (AEC) Chairman hna te, Director - Bhabha Atomic Research Centre leh Secretary Department of Atomic Energy te a hna pawimawh chelh tawh te a ni.
Basu hi a thih hma ni 3 khan kum 68 a tling a, COVID-19 vang hian September 15 khan Hospital ah dah a ni a, thawk lam harsatna bakah kăl țha lo a nei tel bawk. Natna benvawn a lo neih avang hian COVID-19 hri chu tuar loin a thihpui ta a ni.
India ram atomic energy hmasawnna atan a thawh hlawk avang hian kum 2014 khan Padma Shri chawimawina pek a ni.
India ram pùm chhuak nuclear power submarine INS Arihant duan chhuah leh siam chhuahna kawngah sulsutu leh thluak bur pawimawh zinga mi a ni. Tarapur, Kalpakkam hmuna nuclear design, development, construction of nuclear recycle plant siamna ah pawh mi pawimawh ber zinga mi a ni.
Anil Karodkar, Atomic Energy Commission Chairman lo ni tawh chuan "Keini Chairman ni tawh zingah naupang a ni a, a kum tam hmaa kan chan ta mai hi a pawi tak zet a, a thiamna leh theihna te project khirh leh lian tak takah pawh beidawng duh hauh loa, a taka lantir tlat țhin a ni. Nuclear submarine reactor siamna leh nuclear recycle programme atan a hna thawh te, ram tan a theihna sang ber taima taka a hlan avang hian zah leh chawimawi a phu takzet a ni," a ti.
Sekhar Basu hi September 20, 1952 khan Calcutta ah a piang a, Ballygunge Govt High school ațangin Matric a zo a, Mechanical Engineering 1974 ah a zawh hnuin Nuclear Science and Engineering a zir leh a, BARC ah a thawkzui ta a ni. Nuclear Science lama a thawh that avang hian University 8 in Hanoris Causa Doctorate degree an pe bawk.
Basu hian a nupui leh fapa pakhat leh a nu a kalsan a ni.
Source :
Times of India
September 25, 2020
@ 02:38 IST
===25==09==20==
Huna Kawlvawm
Post a Comment
He post chungchanga i ngaihdan lo sawi ve rawh: