COVID-19 VANGA HRI HMA TAWNG THIHPUI TAM RAM 10

Sept 06, 2020: Amnesty International in data a tih chhuah dan chuan COVID-19 hma tawnga  mihring hriselna tana thawk -health workers 7,000 chuang te chu he hri pui hi fam khawpui lamah tirin an lo thih phah tawh a ni.



Coronavirus vanga mihringte chunga hri pui a lo thlen țan tirh ațang rengin hriselna atan thawktute chu he  natna hriat chian loh, phuah chawp thawnthu sei (novel) ang mai chu hma chhawn hmasatu leh he  natna hrik hriat ngai loh pawhin a bitum hmasak te an ni. Hetiang anih avang hian khawvel pawhin a chhunga cheng a fate tana thawktu țangkai tam tak a chan phah reng a ni.


Amnesty International in ram hrang 80 aia tam hnen ațanga hetiang thil pawimawh chhinchhiahna a hmuh ațangin COVID-19 hri dotu, hri hma tawnga thawk (health workers) 7,000 chuang zet chu he hri hian a lo hmet hlum tawh  tih an report tih chhuah chuan a tar lang a ni. 


He report in a sawi zel dan chuan COVID-19 vanga thihna thleng hi hri lak ațanga invenna thawmhnaw (personal protective equipment PPE) neih that tawk loh vang leh tam tawk loh vang te a ni. 


Hri hma tawnga thawktu COVID-19 vanga thi tam  September 3 thlenga Amnesty International chhinchhiah dan chu hetiang hi a ni. 



*No. 1 MEXICO*
 Health worker thi : 1,320  Mexico ram health worker zinga chhiar tel loh theih loh damdawi in ti fai tur (hospital cleaner) hian pawn lam mi engemaw zat an ruai țhin a, chung mi te chu invenna an neih țhat tawk loh avangin a tuar nasa leh thihpui tam an ni. 



*No. 2 USA*
 Health worker thi : 1,077  Hri hma tawnga thawktu te hian  hri laka invenna hmanrua an nei țha tawk lo chungin coronavirus pandemic hi an hma chhawn a ngai a, thawktu tam tak te chu invenna hmanrua te hi vawi tam tak hmai kâwr etc te hman nawn luihtir an nih avangin an chhungte kai tam tak an awm phah bawk a ni. 


*No. 3 United Kingdom*
 Health worker thi : 649 UK pawh hian he natna thawh țan tirh lam khan hri laka  invenna hmanrua (PPE) an neih țhat leh tam tawk loh avangin heath worker tam takin an nunna an chan phah a ni. 


*No. 4  Brazil*
Health worker thi : 634  Brazil ram pawh hi ram dang ang thoin hri laka invenna  PPE neih tam tawk loh avang leh hri enkawlna kawnga faina ngaih pawimawh tawk loh avang leh rilru paukhauh tura țanpui țhat tawk loh avang te, hri vanga zan khat mit chhin an tawh pawha chhungte tan lu khawng țhat tawk loh avangin hri do tur hian a nghet loin hna thawk an chhawr tam a, chungte chu an fimkhur tawk loh vangin thihna tam tak hi thleng a ni. 



*No. 5 Russia*
Health worker thi: 631  Ram dangte ang thoin Russia pawh hian hri dotute tan invenna hmanrua PPE a neih țhat leh tam tawk loh vang thoa thihna hi thleng 
niin, damdawi lama thawk  600 aia tamin hri vangin an thih phah a ni. 


*No. 6  India* 
Health worker thi: 573  Health workers in 
India ram pawh hri hma tawnga thawktute himna țhat tawk loh vanga thihna hi thleng a ni. August khan community health workers (ASHA workers) sang tam tak hri hma tawnga thawktute chu an himna hlamchhiah vang te, an hnaah nawr luih an tawh nasat vang te, an hlawh tlem lutuk vang tein an nuar hial reng a ni.  India ramah hian health worker 70,000 chuangin invenna țhat tawk loh avang leh fimkhur tawk loh avangte in hri an kai tawh a ni. 


*No. 7 South Africa* Health worker thi : 240 South Africa ram hian  COVID-19 vanga thihna hi thla 2 kal ta ațang khan an nei țan a ni. Report in a tar lan dan chuan hri hma tawnga thawktute himna hmanrua PPE an sorkarin a ngaih pawimawh tawk loh avang leh hna thawhna hmuna himna  Occupational Health and Safety (OHS) chungchang te, vei vahna chungchanga harsatna te, an hnaa nawr luih leh hlawh chungchanga harsatna te an tawk tel bawk a ni. 


*No. 8  Italy*
 Health worker thi: 188  Italy ramah hian doctor 150 chuang zet chu coronavirus vang hian an thi a ni. Italy ram pawh hi ram dang ang thoin invenna  hmanrua PPE an neih țhat leh tam tawk loh vanga thihna hi thleng a ni. 


*No. 9 Peru*
Health worker thi : 183 | Peru ram pawh hi hri laka invenna PPE neih țhat leh tam tawk loh vang a ni. Hei bakah hian an hlawh chungchangah an lungawi lo a, August thla khan lungawi lohna an lan tir hial a ni. 


*No. 10 Indonesia* Health worker thi : 181 |  Indonesia ram pawh hi ram dang ang thoin hri hma tawnga thawktute tan COVID-19  hri kai an pun zel hnuah invenna PPE an neih tam tawk loh vanga harsatna leh thihna thleng a ni. 


Source :
Money Control
September 05, 2020
@ 04:37 PM IST

===06==09==20 ===
Huna Kawlni Kawlvawm

Post a Comment

0 Comments