COVID 19: Hri vei 43 hmuhchhuah belh; Aizawl district-ah hri vei 408 awm mek!

Aizawl | September 28, 2020: Nimin COVID19 positive thar 43 hmuhchhuah belh an ni a, Nimin vek khan enkawl dam tawh mi 57 in enkawlna hmun an chhuahsan.


Nimina hri vei hmuhchhuah tharte hi ZMC RT-PCR atangin 36, TrueNAT hmangin 6 leh Rapid Antigen Test hmangin 1 hmuhchhuah te an ni.

Nimin khan ZMC RT-PCR -ah sample 854 test nii positive 36 hmuh an ni.
Positive Contact atanga kaite hi symptoms nei lo vek niin, Bawngkawn South mi Mipa pahnih kum 24 leh kum 31 a upa leh hmeichhia pakhat kum 19 a upa a ni a. Armed Veng South mi Mipa kum 44 a upa 1st Bn MAP mi leh sa leh Zonuam mi Mipa kum 31 te niin na vai hian mahni ina inkhunghrang lai an ni.

Quarantine Facility-a awm positive:
Assam Rifles 10, kum 31-47, state pawn atanga lo kir
BSF 18, kum 24-52, state pawn atanga lo kir
Maubawk CQF: civil mi hmeichhia 2, kum 24, Noida& Delhi atanga lo haw
Pushpak QF: mipa kum 32, BRO mi leh sa, state pawn atanga lo kir

TrueNAT positive:
Lunglei Dist: Emergency a sample 30 test atangin positive 6 - Assam Rifles mipa kum 26-56 inkar hmuhchhuah a ni. Positive contact atanga kai nia rinhlelh vanga Kawmzawl, Lunglei-a anmahni hmuna khunghran mek, Symptom nei lo vek an ni.
RAgT positive: Hmeichhia kum 13, Durtlang Mel 5 a mi.

ZMC-a sample test dan- Aizawl -854
Truenat test zat - Lunglei- 30
RAgT test zat - Kolasib- 313, Aizawl- 21, Mamit -6 leh Serchhip- 2


Tunah hian hri vei hi mi 539 awmin, enkawl dam tawh 1373 an awm a, an vaiin, hrivei hmuhchhuah tawh zawng zawng hi 1908 an ni. Heng zinga mi 1563 hi Mipa niin, 345 hi hmeichhia an ni.


Hri vei hi Aizawl district-ah tam berin mi 408 an awm a, Lunglei-in dawtin mi 68 an awm a, Serchhip-ah mi 32 an awm a, kolasib -ah 7 an awm a, Lawngtlai-ah mi 9 an awm a, Mamit-ah pasarih awmin, Champhai-ah pathum  leh Khawzawl-ah mi pakhat an awm bawk  a ni. Tunah hian Hnahthial, Saitual leh Siaha chu hri vei awm lohna district an ni rih a ni.

Hri vei dam tawh tamna ber chu Aizawl niin mi 895 an awm a, a tlemna ber chu Khawzawl niin pathum an awm a ni.

(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)

Post a Comment

0 Comments