BSF in Mizoram chhungah Hel pathum leh Silai 28 an man

Sept 29, 2020: BSF in Mamit district chung Phuldungsei khua ah nimin Thawhțanni zan khan hel 3 leh ralthuam țhahnem tham tak an man.

BSF ten ralthuam an man te chu : 28 (Sawmhnih pariat a tam) AK-47, AK-74 pakhat  US siam te, 28 magazine leh silaimu  7,800 te a ni.

 

BSF  te hian Mamit district chhunga Phuldungsei khua leh a chhehvelah hian hel zawn beihpui an thlak a, hel an awm ngei a ni tih an hria a, an hual chep zel a, a tawpah chuan an man ta nge nge a ni. Helhote hian heng an ralthuam silai leh a mu te hi motor seat hnuaiah an thukru tih BSF te chuan an sawi.

BSF intelligence unit te chuan ralthuam țhahnem tham Myanmar kal tlanga Mizoram chhungah a rawn luh thu leh chung ralthuam te chu Mizoram leh NE State chhunga hel pawl te hman tur a ni tih  thu an dawng a, chu an thu dawn bawhzui chuan fimkhur taka che in an man ta a ni.

BSF te chuan Mizoram chhung, khawi emaw laia hel pawl an  awm tih leh chung te man chhuak tur chuan, rang taka Mamit district chu  khuihsin hmanga khuih chhuak turin beihpui an thlak nghal a, hemi avang hian hel pathum leh ralthuam an man ta a ni. Tun hnaia ram chhunga țum khata ralthuam man tam ber pawl a ni. BSF te hian India pawisa engemaw zat helho kut ațang hian an man bawk.

BSF ten heng helho (militants) an man hi Mizoram Police kutah an hlan a, Mizoram Police te hian a chhui chian hna chu an thawk dawn a ni.

BSF official te  sawi dan chuan hel an man pathum te hi  National Liberation Front of Tripura ( NLFT) mi leh sa te an ni.

Rakesh Asthana, DGP of BSF sawi dan chuan helai bial chhunga hel pawl dàp chhuah  hna te, ruih hlo leh silai leh ralthuam tawlh ruk leh chutiang sumdawnna rep char hna hi nasa lehzualin an thawk dawn tih thu a sawi. Chuvangin BSF chuan intelligence unit hi chak zawkin a thuam phuisui dawn a, chumi atan chuan hmanraw changkang zawk pawh heng lai bial chhung atan hian hman a ni ang, a ti.

BSF  te hian India ram chhungah thla rei vak lo chhungin ralthuam, ruih hlo India ram ri state  Jammu and Kashmir leh Punjab ah te pawh an lo man tawh a ni.

Source :

News18

 September 29, 2020,

@ 12:16 PM IST

===29==09==20==

Huna Kawlvawm