Village Council inthlanpui, 2020 Aizawl, Lunglei, Champhai, Serchhip, Mamit, Kolasib, Saitual, Khawzawl leh Hnahthial District-te leh Aizawl Municipal Corporation hnuaia Local Council inthlanna neih turah hian Media / Press mite kaihhruaina chu State Election Commission chuan Rule 3 of the Mizoram (Election to Village Councils) Rules, 2014 leh The Mizoram Municipalities (Election to Local Councils) Rules, 2015 in thuneihna a pek angin leh Election Commission of India kaihhruaina zulzuiin a hnuai a mi ang hian he inthlanpui neih chhunga Media/Press mite zawm ngei tur kaihhruaina tih chhuah a ni.
1. Print Media leh Electronics Media hi Election campaign hmanrua, entirnan Political Party bik leh an candidates te fak chiam emaw sawisel chiam ang chi hmanrua an ni tur a ni lo.
2. Chi leh chi inkar, sakhaw thil leh khua leh veng inep theihna tur lam inchotuahna ang chi tihlan loh tur a ni.
3. Mimal nungchang leh nihphung mimal hmingchhiat theihna ang chi an tilang tur a ni lo. Mimal candidate emaw Political Party bikah emaw finfiah hmasa lova puh hmingchhiatna ang chi an chhuah/tarlang tur a ni lo.
4. Press mite chuan Election kaihhnawih boruakah mimal emaw Political Party emaw duhsakna ang chi - sumfai emaw bungrua zawng emaw eng hamthatna mah an dawng emaw an pawm emaw tur a ni lo.
5. Press mite chu Candidate bik emaw Political Party bik emaw hmanrua an ni tur a ni lo.
6. Press mite chuan Sorkar laiin a duhsakna, entirnan sorkar lai hnathawh sawimawina ang chi Advertisement ang chi emaw Press release sorkar lai sawimawina ang chi man chawiin an chhuahsak tur a ni lo.
- DIPR
(A hnuaia fakna hi lo hmet ve rawh.)
(A hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: