RUAH SUR NASAT AVANGIN BIAK IN KUM 151 A UPA ALAPUZHA, KERALA AH A CHIM

August 11, 2020: Tukin zing lam khan kum 151 upa Church of South India (CSI) Biak In St. Paul's Church Alapuzha, Kerala state a mi chu ruahsur nasain a nghawngah vawiin hian a chim, he Biak In hi buh hmun (leilet) pahnih inkar cheh khua a awm a ni.



Tunlai hian Kerala state ah ruah a sur nasa hle a, he Biak In chhungah hian tui a lut nasa hle a, a in a upa tawhin a rinawm tawh loin khi leh chhiat leh chim hlauhawm a ni  a, thu neitu lam pawhin chhiatna a thlen hmaa țhiat turin an lo ti tawh țhin a. Mahse țhiat anih hmain ruahsur nasa tuar loin a chim ta a ni.

 

Helai chhehvela cheng te pawh hi hmun him lama suan chhuah an lo ni tawh bawk. Nimin ațang khan ruah hi a la sur deuh char char a, he state hian leimin leh chhiatna dang a tawh phah nasa hle tawh a, hmun hniam lai Central Kerala ah chuan tui a lian nasat bakah leimin avangin mi 49 lai an thi tawh bawk. Leimin tuarte chhan chhuah hna hi thawh mek a ni bawk. 

Chhiat tawk leh an awmna ațanga thiar chhuah țhenkhat te hi Biak In țhenkhat chu relief camp atan hman niin, thiar chhuah țhenkhat te chen lailawk tir an ni bawk. Leimin nasatna lai hi Kakayam hills a ni. 

Source :
India Today 
 August 11, 2020 
@ 13:21 IST

===11==08==20 ==
Huna Kawlvawm





(A hnuaia fakna hi lo hmet ve rawh.)

Post a Comment

0 Comments