Aizawl | August 9, 2020: Aizawl venghlui chhungah Hripui vei an awm vangin vawiin aṭangin thu leh awm hma chu total lockdown puan a ni.
Venghlui chhungah Covid-19 Positive an awm avangin Contact Tracing leh Test neih mek a ni a. Ni 9.8.2020 (Pathianni)-a Venghlui Local Level Task Force Emergency Meeting thuchhuak chuan, Aizawl District Magistrate hriatpuinain venghlui vengchhungah vawiin atanga thu leh awm hma chu Total Lockdown a puang. Hemi chhung hian veng mipuite tumah pawn chhuak lova, mahni In-a awm theuh turin an inhriattir a ni.
Total Lockdown in a huam loh tur Office-te
- Aizawl Head Post Office
- Directorate of Food, Civil Supplies & Consumer Affairs
- Apex Bank - Main Branch
- Secretariat Annexe Building-a Office zawng zawng
- Assembly House
- Governor’s Office
Vengchhunga heng Sawrkar Office/Dawr - MAHCO, DSCO (E) leh Sialkal Range Development Council Office-te bakah, Private Office zawng zawng chu khar tura ngen an ni.
Total Lockdown puan a nih chhungin veng mipui tumah veng pawna chhuah phal a ni lova, veng pawn mi pawh lo leng lut hrih lo turin an inngen a, lirtheia vengchhung tlan tlang turte pawh din khawmuan phal a ni lo.
Test result hriat a nih hma chu vengchhung Sawrkar hnathawk pawh Office kal lo turin kan inhriattir a, vengdang mi, kan vengchhunga lirtheia kaltlang tur pawh chawl khawmuang lova, tlan tlang zel turin kan inhriattir nghal bawk a ni.
COVID-19 POSITIVE CHUNGCHANGA MIPUI HRIATTIRNA
Venghlui atanga Positive kan neih thar hi, RBSK CMO EAST (Health Department) hnuaia Driver hnathawk a ni a. He hna Contractor hi Mam's Food, Venghlui neitute an ni a, rim takin chhun leh zan, Pathianni pawh sawiloin Medical Staff ho nen Quarantine Center-ah Sample-te la kual thin an ni a, chung atang chuan a lo Positive ta niin a lang.
A motor khalh neitute hi Mam's Frozen Food (Venkys) neitu tho an nih avangin mi tamtakin Frozen Food Driver-ah ngaiin, hmun tamtakah Frozen Food-te a sem kual a, an Dealers/Customers-te nen pawh Contact Tracing-te neih ngai leh insawithaihna te a awm ni-a hriat a ni a, he thu hi thu dik lo leh belhchian dawl lo a ni a, tumah lo chiai lo turin kan inngen a ni.
Mam's Frozen Food leh RBSK Driver-te hi mihrang hlak, awm pawh awm ho lo, an hnathawh pawh in ang lo an ni tih mipui kan inhriattir a ni.
Sd/-
(ISAAC LALMALSAWMA)
Asst. Secretary
Venghlui Local Level Task Force
(A hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: