Hna thawh ṭhat loh tawk vanga Vathuampui JAC in kawng siam mek an tihchhiat PZP in thlawp; Hnathawk tha lo contractor dem, chak zawka hna thawk turin ngen

Aizawl | August 6, 2020: Vaṭhuampui Joint Action Committee (JAC)hmalaknain Saibawh leh Vathuampui inkar kawng Paneled Concrete Pavement(PCP) hna thawh mek chu ṭha tawk lo leh a nihna ang taka thawh a nih loh avangin August 3 khan tihchhiat a ni a. He hmalkna, Kawng tha duh vanga Vathuampui JAC te hmalakna hi Pang Zirlai Pawl (PZP) General Headquarters chuan tha a ti a, a tawp thlengin a thlawp tlat dawn tih thuchhuah siamin an tarlang.

 

PZP thuchhuah chuan, "Saibawh-Vathuampui kawngpui siam mek hi PMGSY atanga thawh a ni a. He kawngpui hi Vaṭhuampui khua leh a chhehvel(Area) tan chakkhai lakluhna kawng pawimawh tak a ni. Pang Zirlai Pawl leh NGOs ten he kawng hi siam a nih theihnan theihtawp chhuahin Mizoram Sawrkar thlen tawh thin a ni a. Mizoram Sawrkar chak takin mipuite mamawhna hria a kawngpui min siamsak hi Pang Zirlai Pawl chuan lawmawm a ti tak zet a ni." a ti a.

Saibawh- Vathuampui kawng siam mek hi Pang Zirlai Pawl chuan Kawng ṭha tak siam a nih theihnan a hmunah kal chilhin hnathawktute hnenah leh Contractor te inah lengin ṭha taka min thawhsak turin ngenna  a lo siam tawh a. Chutih laiin, Cement, Balu leh Rora hmang lova GSB(tiau)leh Cement a mixed ringawt a pavement niin, Mix Design Contractor hian anei em? Mix Design ege Ratio tih leh Mix design chu Laboratoryah tih tir ani em?tih PZP chuan Contractor leh PWD Division te a zawt tih an thuchhuah-ah hian an tarlang.

"Enchhin nan Kilometers khat(1) chuang lai an siam hi pawi a tihin Meter sawm(10) emaw hian enchhin nan hmang rih mai se," tih chu PZP ngaihdan ani. 

"JAC te hmalakna in tunah kawng siam lai mek tihchhiat anihi  nihliap pawha chhun khawh mai mai thei tura  hna thawh a ni hi Pang Zirlai Pawl chuan na a tiin, Mizoram Sawrkar leh MPWD tihmualphona leh Mipuite zahlohnaah a ngai a ni. Tun hnuah chuan hetiang hi thleng nawn tawh lo sela, Kawng ṭha leh tlo tak min siamsak tur leh tun aia chak zawk a hna thawk turin  Pang Zirlai Pawl chuan a phut bawk," tih PZP chuan an sawi.

PZP thuchhuah tarlan danin, Saibawh - Vathuampui kawng hi Pi Lalthanthuami(Contractor) Aizawl  Chawnpui veng hna niin, Pu Hmangaihsanga(Sub-contractor), Lawngtlai Vengpui chuan he kawng siam hna hi a thawk thung a. Saibawh - Vaṭhuampui kawng siam hna hi PMGSY atang a thawh niin, Rs.20,88,74,403.54 Lakhs a thawh a ni a, Dt.14th June, 2020 atanga thawk ṭan.

Vaṭhuampui Area a Kawngpui siam hna thawk zawng zawngte tun aia chak zawk leh ṭha taka min  thawk sak turin PZP chuan an ngen nghal bawk a ni.