August 30, 2020: Ministry of Home Affairs (MHA) chuan nimin khan inkaihhruaina thar tichhuakin Containment Zone pawn lama thil tihphal a hawn zau belh.
Unlock 4 hi September ni 1, 2020 a hman tan tur a ni a, hun hmalama hna leh thil dang chhunzawm phalna a rawn hawn zau belh leh a ni. He inkaihhruaina thar vawiin a tihchhuah hi State leh UT te atang a feedback dawn leh Central Ministry leh Department hrang hrangte nena zau taka inrawnna neih behchhan a siam a ni.
Inkaihhruaina thar kalphung turte
Metro Relte chu Ministry of Housing and Urban Affairs (MOHUA)/ Ministry of Railways (MOR) leh MHA te inrawnna behchhan a September ni 7, 2020 atanga a tahtawl a hawn tur an ni dawn a. Hemi kawngah hian Standard Operation Procedure (SOP) chu MOHUA in a tichhuak ang.
Social/zirna/infiamna/intihhlimna/cultural/sakhua/politics kaihhnawh function leh Pathian bia a kalkhawm chu mi 100 aia tam lo chin nen September ni 21, 2020 atanga neih phal a ni dawn a. Amaherawh chu hetiang a punkhawmnaah hian face mask vuah ngei tur anih bakah social distancing zawm, thermal scanning tih leh sahbawn emaw hand sanitizer hmang a kutsilna buatsaih ngei tur a ni.
Open air theatre-te chu September ni 21, 2020 atang a hawn phal a ni ang.
State leh UT-te nena uluk taka inrawn khawm anih hnuah Sikul, College, Zirna in dang leh Coaching institution-te chu zirlaite leh regular class pangngai atan September ni 30, 2020 thleng a la khar chhunzawm tur a ni a. Online/distance learnjng chu phal chhunzawm anih bakah tih theih nise tih chu duhthusam a ni. Hetihrual hian Containment Zone pawnlamah chuan September ni 21, 2020 atang chuan a hnuai a tarlante hi phal a ni ang a, hemi atan hian Ministry of Health & Family Welfare (MoHFW) chuan SOP a tichhuak ang:
State/UT-te chuan teaching leh non-teaching staff te chu 50% thleng online teaching/tele-counselling leh a kaihhnawih hnadang ti turin sikulah koh theih an ni ang a.
Pawl 9 atang a pawl 12 zirlaite chu Containment Zone pawn lamah chuan an mahni inhuamna ngeiin zirtirtute hnen atanga guidance la turin sikul an tlawh thei ang a. Hei hi an nu leh pa/guardian-te'n ziaka phalna an pek hmang a tih tur a ni ang.
Entrepreneurship training chu National Skill Training Institute ah te, Industrial Training Institute (ITI) ah te, Short term training centres National Skill Developmeny Corporation emaw State Skill Development Mission emaw Sorkar laipui emaw State Sorkar emaw hnuaia in register-te chuan an kalpui chhunzawm thei ang.
National Institute for Entreoreneurship and Small Business Development (NIESBUD), Indian Institute of Entrepreneurship (IIE) leh training pe thin dangte pawh hnathawh chhunzawm phalsak an ni a.
Higher Education Institution-te chu research scholars (Ph.D) leh technical leh professional programmes laboratory/experimental works tih ngai post-graduate zirlaite tan chauh hawn phal a ni ang a. Hengte hi Department of Higher Education (DHE) in MHA rawn chung leh boruak thlir chung leh State/UT a COVID-19 hripui leng dinhmun a zirin phalna a pe dawn a ni.
Containment Zone pawnlamah chuan a hnuaia tarlante tihloh hi chu engkim thlah zalen a ni:
Cinema hall-te, swimming pool-te, entertainment park-te, theatre-te(open air theatre tellovin) leh hetiang ang chi hmunte.
MHA in phalna a pek tihloh chu passenger-te tana ramdang a thlawhna hmang a zin.
September ni 30, 2020 thleng chu Containment Zone chhunglamah chuan khauh taka inkharkhip kalpui tur a ni.
Containment Zone-te chu District thuneitute'n hri inkaidarh tur venna atan MoHFW inkaihhruaina behchhanin tualchhungah a huamchin tur an siam thei ang a. Containment zone chhungah hian hridarh tur venna atana ruahmannate khauh taka kalpui a ni ang a, nitin khawsak mamawh tih leh lam chauh phal a ni ang.
Containment Zone-te hi District Collector-ten an mahni website ah an tarlan bakah State/UT-te'n an puangzar ang a. MoHFW pawh a hriattir tur a ni.
State-te'n Containment Zone pawnlamah tualchhungah inkharkhip an kalpui tur a nilo
State/ UT Governments shall not impose any local lockdown (State/ District/ sub-division/City/ village level), outside the containment zones, without prior consultation with the Central Government.
State/UT Sorkarte chuan Sorkar laipui rawn hmasa lovin containment zone pawnlamah chuan tualchhungah (State/District/sub-division/khawpui/khaw level) lockdown/inkharkhip an puang tur a nilo.
Inter-State leh intra-State movement ah inkhuahkhirhna a awm lovang
Inter-state leh state chhung a mihring veivah leh bungraw phur veivahna lamah inkhuahkhirhna a awm lovang a. Hetiang a veivak tur hian phalna/pawmpuina/e-permit hranpa neih/lak a ngai lo.
COVID-19 management atana National Directives
COVID-19 management atana National Directives chu social distancing zawm zel anih theihna atan rampum huapa hman chhunzawm tur a ni a. Dawrte chuan anmahni dawrtute tan physical distancing a awm theihna turin ruahmanna an siam tur a ni a. MHA chuan National Directives hi mumal taka hman a nih leh nihloh a thlithlai reng dawn a ni.
Dinhmun derthawng zawkte venhimna lam
Dinhmun derthawng zawkte - kum 65 chung lam, natna benvawn nei, nu naupai leh naupang kum 10 hnuailamte chu tul bik thil leh damlohna kaihhnawih anihloh chuan in a inkhung tura rawm an ni.
Aarogya Setu hman chungchang
Aarogya Setu mobile application chu tangkai taka hmang chhunzawm zel tur a ni
*****
- PIB Aizawl
Post a Comment
He post chungchanga i ngaihdan lo sawi ve rawh: