Tuilian vangin PM leh state paruk CM te inkawm; nasa leh zuala khawchin hriat theih nan innovative technology hman a ngai - PM

• PM in khawchin hriat lawk avangin chhiattawhna thleng pumpelh theih a ni a ti a, hei vang hian sawrkar pawh a in seng dawn a ti
• CM te chuan sawrkar hnathawk an fak a, NDRF ten a hun taka hma an lak avangin an lawm thu an sawi

Aizawl | August 10, 2020: Prime Minister Narendra Modi chuan vawiin khat state paruk- Assam, Bihar, Uttar Prades, Maharashtra, Karnataka leh Kerala CM te theuh kawmin, south-west monsoon avanga an state a harsatna thleng te leh tuilian avanga vanduaina thleng te a sawipui. Video Conference kaltlanga in rawn khawmna ah hian Defence Minister, Health Minister leh Home Affairs Minister te an tel a, senior officer te an tel bawk.

Prime Minister chuan tun ang hunah hian sawrkar laipui leh state ten chanchin an inhrilh tawn reng a pawimawh thu a sawi a, khawchin enna khawl tha chu state leh central in a mamawh a ni a ti.

Prime Minister chuan heng khawchin enna, a bikin tuilian tur hriat lawkna khawl siam tur hian Indian Meterological Department leh Central Water Commission ten theihtawp an chhuah thu a sawi a. Tunah hian ruahsur bakah fur laia lui awmzat hriatna tur khawl an peihfel tep tawh a ni a ti. Heng te hi hmun then khatah enchhin mek a nih thu a sawi bawk.

Prime Minister chuan hetiang kawnga pawisa sen hreh lo turin a chah a. Mipuiten an himna tura an lo in hmakhua lawk theih nana an mamawh hmasak ber a nih thu a sawi bawk a ni.

COVID avanga ram pum buaina te sawilangin Prime Minister chuan chhanchhuah hna chu a muang chhuang tur a ni lo a ti a. State sawrkar te chu mipuiten mask an vuah a, mahni in tifai tur leh sanitization te ngai pawimawh turin a chah a ni. 

State tinte te chu an hmasawnna tura ruahmanna an siam te ngai pawimawh turin leh harsatna in a tih khaw muan loh nana tan la turin a fuih a ni. 

Assam, Bihar, Uttar Pradesh, Maharashtra, Kerela Chief Minister te bakah Karnataka Home Minister ten an dihmun chiang tak an sawi a, state sawrkar in chhanchhuah hna a thawh dan te an hrilh bawk a ni. Sawrkar laipui hmalakna a NDRF te hnathawh an fak bawk a ni. 

Prime Minister chuan Ministries leh orgranisation te chu hma la turin a chah a, State leh Union Territories te harsatna ah sawrkar laipuiin kut a sil dawn lo a ti bawk a ni.

- PIB Aizawl

Post a Comment

0 Comments