Aizawl | August 9, 2020: Sairang Village Task Force meeting chuan vawiin 09, August 2020 (Chawlhni) aṭang hian thu leh awm hma chu DC phalnain Sairang khawchhungah Total Lockdown a kalpui dawn.
Vawiin-a Result chhuak ah Sairang mi, Doctor pakhat (Sample laa Duty ṭhin) chu a Positive a ni tih hriatchhuah a ni a. Hemi vang hian Sairang Village Task Force chuan mipui him zawk nan Total Lockdown hi an puang ta a ni.
Positive awm chungchang-ah hian Sairang Village Task Force-te chuan rang taka bawhzuiin Sairanga hun a hman dan te leh a chet dante an chhui chhuah nghal. Contact Tracing an tih mek a, naktuk lamah hemi khawihhnawiha inhnamhnawih nia hriatte zawng zawng Swap Sample Test sak an ni dawn a ni.
Result duhawm tak khawtlangin an neih ngei theihnan chhungtinte tawngtai lama tan la turin an insawm nghal a ni.
Sairang Task Force chuan, Khawtlang mipui him tlanna turin heng ruahmannate hi a siama, chhungkaw tam tak tan chuan harsatna thlentu a ni ang tih ring chungin, khawpum ang leh Ram pum ang pawh him tlanna zawk tur a nih avangin lungawi taka zawm sak turin Sairang Task Force chuan khawtlang mipuite an ngen .
Sairang Total Lockdown kalpui dan tur:
- Zanin dar 8:30 atangin thu leh awm hma chu pawn chhuah khap tlat a ni a, harsatna emaw pawimawh thil kan nei a nih chuan Sairang Village Task Force hruaitute hriattir hmasak tur a ni.
- Total Lockdown chhung hian eng sumdawnna mah kalpui phal a ni lo va, balu hralh chhuah/phur chhuah , nul/leipui kal, infiamna(sports) chi hrang hrang, lui kal bakah pawn chhuah ngai chi reng reng khap rih a ni.
- Total Lockdown chhung hian Sairang khawchhunga Sawrkar Office hrang hrang, Bank, School, Infiamna hmun, Gym, Bazar zawng zawngte khar vek tur a ni.
- Lirthei/Motor LPK, SK, Sumo, Auto, Two Wheeler, a vaiin khalh chhuah khap a ni.
- Harsatna nei thei vek kan ni a, eng emaw thil bikah chuan inhriatthiamna neih a ni ang a, chutihrualin hruaitute hriattir hmasak phawt tur a ni a, inhriattir lova phal lo thil lo ti an awm chuan an chungah action lak a ni dawn a ni.
- Mikhual neih phal a ni lo va, hriat ngai loh mikhual khawchhungah hmuh tur an awm leh nulh thin a, chhungtinte fimkhura mikhual nei lo turin kan inngen a ni.
- Lockdown chhung hian hmundang/khualkhua atangin Sairang khawchhungah tumah luh phal a ni lo.
(A hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: