FEATURING: Mizo Tiktoker Rody Phutin

Mizo Tiktoker, Lockdown kara mi hriat hlawh leh lawm hlawh Rody Phutin hi i lo bekchiang teh ang.






'Rody' tia koh thin, thenkhatin 'Rody Tiktok' tih te a an sawi mai thin Rody Phutin hi a hming pum  chu Rody Lalthanzuali a ni.
Rody Phutin hi a pa chu P Denghmingthanga niin, a nu hi R Lalbiaktluangi a ni a, November 5, 2000 ah a piang.

Rody Phutin te hi Ramhlun North, Aizawl-ah chengin an khawsa-a Kohhran-ah Mizoram Baptist Kohhran-a lawi an ni.



Rody Phutin hian Zirna lamah 2014 khan Christian Education Centre, Lunglei atangin pawl 10 a pass a, 2017 khan  St Joseph Higher Secondary School, Ramhlun North, Aizawl atangin pawl 12 tha takin a pass leh a,  tunah hian, B.Sc a zir mek.
Rody Phutin  te unau hi pathum niin a naupang ber a ni a, hmeichhe awmchhun a ni bawk.

 

*Tiktok/Musically khawvela I bul ṭan dan?
- Tiktok app hi 2019 kum lai hawl vel khan ka download ve a, chutih lai chuan video ka la siam vak lo a, ka en ve zeuh zeuh ringawt a. 2020 a Covid-19 vel  ah Mizoram ka rawn hawn hnu khan lockdown a ni bawk nen hunawl ka neih ve ang te hnawh khah nan tiin video te ka siam ve tan ta a ni.

*Sum i hailut em? i hailuh dan -  a rem chuan?
- Tiktok app atang bik hi chuan sum ka la lut lem lo na a, tiktok atanga min lo hre tuten eng eng emaw velah tel tur a min sawm a bakah an hla hmansak tur te a min sawm te vel neuh2 atang te leh live vel atang tehian ka la lut ani ber mai.

*I tawrhna leh lo beih tawh dan:- 
- Buai chung chung in kan hunawl neih karah video kan siam ve a, mi tamtak in minlo nuih sawh in tawngkam mawilo tak tak te in min tawngkhum a,hman viau turah te min lo ngai thin a, heng tehian a chang chuan min ti down ve deuh thin a mahse heng vang mai hian tawpsan emaw chawlhsan ka tum chuanglo a, an duh duh lo sawi se keipawn ka duh duh ka ti ve ang tih hi ka ngaihdan ni deuh tawp.


 
(Website a fakna awmte hi lo hmet ve zauh rawh le..)

*Harsatna i tawh changa i hmachhawn dan:-
- Harsatna ka tawh hian ka tawngtai a Pathian hnenah hmachhawn dan min zirtir turin ka dil thin

*Engtik kum aṭangin nge Video edit leh Tiktok/Musically etc ang chi hi i tui/tih ṭan?
-2019 kum tawp lam atangin.







A post shared by rody lalthanzuali (@rody._.5) on


*I tuina hi Mizo ṭhalai tam zawkte tan tui ve chi niin i hria em?
- Aw, ti e, hnam changkang zawk te pawhin nasa takin an lo ti tawh a, sum hai luh nan leh mahni inchawm nan khawp an lo hmang thei a, chung techu ka hmuh hian Mizo tepawh hian kan tih ve theih ngei ka beisei a, bakah kan hnam(Mizo) hi hnamdang ho ten min lo hmelhriat theih phah na tur anih avangin Mizo thalai tamtak thiamna nei sang tak tak tehian ti ve se ka ti ani.


 

*Miin hah tak leh hun leh tha senga video an siam, awlsam taka Compilation Video lo siam ṭhin ho hi??
- Ni e, hei hi a lawmawm rualin a chang chuan a ui awm ka ti ve thin a...haha... Hah takin kan siam a, kan upload ve hma hma in Youtube lamah min lo upload khalh a sum lakluh nan te an lo hmang a... Mahse a pawi chuanglo tikhan mi tan malsawmna kan nih ve theih dan ani mai😂😂

* I tuina lamah engnge sawi duh leh vei i neih?
- Video siam hi nuam ka tia.... Chuan lehkhabu chhiar tehi nuam ka tia... Bakah lehkhabu chhiar tam hi inzirtir hram hram ila a tha ka tia... Chuan music lam hrim hrim ka tui a... Thiam em em lo mahila... Kan ram changkan na leh hnamdang te lakah pawh kan lansar ve theih na kawng pakhat tha tak mai aniin ka hre bawk a... Chuvangin inzirtir uar ila a tha ka ti bawk.



 

A duhzawng leh ngainat zawngte:------
Sportsperson - Jeje Lalpekhlua(footballer)
Tiktoker - Charlie D'amelio
Apps - WhatsApp,Instagram,Tiktok
Rawng - Black and white
Chawhmeh - Chakai, Artui
Incheina - Tshirt,Jeans,kicks
Rimawi - Country, classic, Pop
Mizo ziaktu zingah - Mafaa Hauhnar
Hla - Fall for you
Hla phuahtu - Lalsangzuali Sailo


 

Mize ngainat zawng - Mi rilru tha/tluang, tawng duh leh inngaitlawm

Mize ngainat loh zawng - mi ti phawr phawr, chapo leh rilru chhia


Hobby - music / hla ngaihthlak leh video siam

Relationship status  - Taken
(Tlangval ho kha, a pawi thui ta... haha)

Kawppui atan a duhzawng - Pathian tih mi, mi rilru tha leh min hmangaih em em tu, mi inngaitlawm leh hna tha tak nei.


 

Zawhna dang:
1. A tel lova i awm theih loh: Pathian

2. I nun kaihruaitu:  Pathian thu

3. Hringnuna i hlauh ber:  Inchîrna neih

4. I tih ngai miah loh tur: Rukruk

5. Mizo Tualzal nuna ṭha i tih: Tlawmngaihna



6.  Quote i duh ber:
I tlu anih pawn beidawng mai suh, tho la a ai tha leh nasa zawkin bei zel ang che.

7. Mizoram leh mizo tualzal nuna hmeichhia te dinhmun:
- Hmanlai hunah kha chuan hmeichhia te dinhmun a chhia in mipa ten an thuhnuai hneh hle thin a. Mahse hun alo kal a tunlai ah chuan hmeichhia te dinhmun pawh alo kâng chho zel a. Hna zahawm tak tak thawk leh mi ropui tak tak te pawh an tam tawh em em a ni.

8. Mizote tan 'Fa neih tlem' inzirtir hi a ṭulin i hria em? 
- Tullo.


 

9. Khawtlang, Kohhran leh nangmah:
Khawtlang leh kohhran-ah hian a theih ang tawk chuan ka inhmang ve a, mahse, zirlai ka nih mai piah lamah ka hun tam tak hi hostel leh Mizoram pawn a ka awm avang hian duh ang takin khawtlang ah hian ka in hmang thei lo a amaherawh chu, Kohhran-ah hi chuan ka theih ang tawk leh tlin ang tawkin ka inhmang ve hram hram thin.







A post shared by rody lalthanzuali (@rody._.5) on


10. Social Media leh Nangmah:
- Social media hi kan ni tin nun-ah hian a tangkai em em a, a tel lo a awm harsa kan tih em em a ni hial ang. Thil tam tak hi social media atanga kan hriat hi a tam em em tawh a. A tha zawnga kan hman thiam phei chuan thil tangkai tak a ni a. Chuvangin, a tangkai zawng leh a tha lam zawng hian hman tum hram hram hi kan in zirtir a tha ka ti.

11. Mizoram ṭhalai tam tak tlakchham:
- Mizo thalai tam tam ten kan tlakchham ni a ka hriat chu Taimakna leh tumruhna hi ani in ka hria.


 

12. Mizo ṭhalaite hian ngaihsan tur dik an ngaisangin i hria em?
- Hre chiah lo. Mahni intodelh leh mahni ke a ding thei leh mi taima leh rinawm te mi dik tehi ngaihsan tur an ni in ka hria a. Chhungte rinchhana mahni itodelh leh hnathawh tum lo a inti changkang satliah ringawt ang ho ngaihsan chin hi sim a tha ka ti.

13. Ngaihsan tur dik nia i hriat: 
- Mi taima, thawh hreh neilo, mahni ke a din tum mi,mahni thawhchhuah leh chhungkaw mil a inthuam thin, mi tumruh leh mi rinawm.

14. Hlawhtlinna tura pawimawh:
- Taimakna leh thawhrimna

15. I nuna hloh i hlauh ber:
- Ka nungchang


Thalaipuite hnena chah duh:
- Thil engkim kan tih na reng reng ah hian harsatna leh hreawmna kan tawh pawhin beidawn san mai lo in bei hram hram ila... Mahni ke a din tum mi nih theuh tum ila, nu leh pate zah thiam leh mi te tana kan nungchang leh awmdan te entawn tlak takin awm tum theuh ila tih hi ka chah duh ani.


 

EXPLOREMIZORAM.COM hmuh dan:
- Explore Mizoram hi a tha ka ti a, hetianga mahni Mizo pui te chawikan nachang leh support nachang an hria te hi an fakawm ka ti takzet bawk ani.

Explore Mizoram keep going!!!



H Zate
Founder/Editor
Explore Mizoram



(A hnuaia fakna hi lo hmet ve rawh.)

Post a Comment

0 Comments