Aizawl | August 12, 2020: Central YMA chuan Kum 2020 HSLC & HSSLC Top Ten-a Mizo langte chawimawina hun vawiin khan Central YMA Hall Tuikhuahtlangah a hmang a, Chief Secretary Pu Lalnunmawia Chuaungo IAS, chuan khuallian niin a hmanpui.
Khuallian Pu Lalnunmawia Chuaungo chuan, "Vawiina chawimawina Central YMA-in a pek che u hi kan ţhalai zingah chuan kan chhuanvawr in ni a, theihna in neih hi tipung a, chhem alh zel turin Taihmakna, tumruhna leh thawhrimna nen bei turin ka sawm che u a ni. Mihringte hi duh zawng, tui zawng leh chak zawng inang lo kan ni a, ka tui zawng chu eng pawh nise, kan tuina zawnah hian nasa taka kan beih chuan hlawhtlinna kawng a awm vek a ni tih hi i hria ang u. Central Service-a luh hian chhungkua, mimal leh ram leh hnam a chawisang a, Mizote hi mi pakhat kan ni ve a ni tih tarlanna hmanraw ţangkai tak a ni. Vai rama Sorkar hna thawk ngar ngar tura ngaihtuahna kan seng fo hi kalsan a ngai a, Mizoram thlakhlelh lutuk vanga harsatna hmachhawn ngam lo zirlai ni lo turin ka chah takmeuh che u a ni. Competition a sang tawh tih mai maia huphurna nena Competitive exam bei ngam lo ni lo turin ka fuih duh che u a, kei thingtlangpa hian IAS ka tlin theih chuan nangni Backround nei ţha zawk chuan in thei dawn tih hi a chiang a ni. Nasa lehzuala lehkha chhiar tur leh tum mumal tak neia lehkha zir ngar ngar turin mahni leh mahni infuih thar sauh sauh ţhin ang che u."a ti a.
Thusawitu dang Pu Vanlalruata CYMA President chuan,"Zoram hian nangni zirlai duhawm tak tak te hi kan ram nghahfak leh innghahna in ni a, in lakah hian Central YMA chuan beiseina sang tak a ni. All India Service leh Central Service-ah pawh tih tak takna nena bei turin ka chah duh che u a, thlamuanpui tham thiamna neia ram leh humhalh turin zirna hi a pawimawh tih hre thar leh turin ka fuih takmeuh che u a ni. Tunah hian Hero in la ni lo, hmabak thui tak inla nei a, tun hi in bul ţanna a ni tih theihnghilh hauh duh ang che u. I hlawhtlinna tur hian nangmah i pawimawh ber a, chu rah hlu tak hlawhtlinna nei tur chuan taimakna chauh hmachhuan ang che u. Kan ram leh hnam hian a ko che u a, a chhanna ni turin nasa lehzualin inbuatsaih ang che u."a ti bawk.
He hun hi Tv. Lalhmachhuana, Vice President, Kumpuan Sub-Committee chairman ni bawk chuan a kaihruai a, HSLC Top Ten-a lang mi 15 leh HSSL Arts, Science leh Commerce-a Top Ten-a lang mi 34 hnenah chawimawina thuziak leh pawisa fai hlan a ni. Prof. Lalnuntluanga, General Secretary chuan Report leh inhmelhriatna hun a hmang a, khuallian Pu Lalnunmawia Chuaungo leh Pu Vanlalruata, President te'n thu an sawi bawk.
(A hnuaia fakna hi lo hmet ve rawh.)
He hun hi Tv. Lalhmachhuana, Vice President, Kumpuan Sub-Committee chairman ni bawk chuan a kaihruai a, HSLC Top Ten-a lang mi 15 leh HSSL Arts, Science leh Commerce-a Top Ten-a lang mi 34 hnenah chawimawina thuziak leh pawisa fai hlan a ni. Prof. Lalnuntluanga, General Secretary chuan Report leh inhmelhriatna hun a hmang a, khuallian Pu Lalnunmawia Chuaungo leh Pu Vanlalruata, President te'n thu an sawi bawk.
(A hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: