Republic veng Total Lockdown puang; Office, infiamna hmun leh sumdawnna hmun zawng zawng khar vek dawn

Aizawl | August 9, 2020: Covid-19 kai nena inkungkaih Republic Vengah an awm avangin Republic Veng Local Level Task Force chuan vawiin (August 9, 2020) tlai khan emergency committee a ko nghal a, vengchhung TOTAL LOCKDOWN turin thutlukna an siam.

Lockdown hian:

  • August 9, 2020 (Pathianni) zan dar 8:00 atangin Total Lockdown hi tan a ni ang a, first contact-te Covid-19 test result a zirin Total Lockdown chungchang hi ngaihtuah nawn a ni ang.
  • Total Lockdown chhung hian vengchhung mipuite pawn chhuah khap tlat a ni a. Mahni thenawm leh chhungte nen pawh intlawh pawh loh tur a ni.
  • Vengchhunga Office, infiamna hmun leh sumdawnna hmun zawng zawng khar vek tur a ni.
  • Total Lockdown chhung hian vengchhung atanga office leh hnathawka chhuak turte chhuah phal a ni lo a, veng pawn atanga hnathawha rawn kal phal a ni lo. Chutihrualin bawnghnute sem, medical hnathawkte, enforcement lam hnathawkte, tui sem, electric emergency duty, exam turte leh LC candidate nomination file turte hriatthiam an ni ang.
  • Presbyterian Kohhran Biak In tlawh khap tlat a ni.
  • Republic Veng paltlang tur lirtheite vengchhungah din khawmuan phal a ni lo.
  • Total Lockdown chhung hian vengpawn atangin Republic vengchhung mi tumah tlawh phal a ni lo.

Republic Veng Level Task Force chuan uluk takin contact tracing a nei nghal a, Total Lockdown hlih hma chu vengchhung mipuite thuawih taka awm turin a ngen.

Post a Comment

0 Comments