Aug 09, 2020, Sunday: India ram chhungah COVID-19 dona a thawk doctor 196 an thi tawh a, thi zinga tam ber hi daktawr thawk lai (general practitioner) te an ni tih nimin Inrinni-a Indian Medical Association (IMA) thu chhuah chuan a tar lang. Prime Minister hnenah hetiang hi anih avangin a bik taka ngaih pawimawh an nih theihna turin ngenna an thlen a ni.
"IMA chhinchhiah dan chuan India ram hian hri pui COVID-19 vang hian doctor 196 nunna a chán tawh a, heng zinga 170 te chu kum 50 chung lam an ni a, an zinga 40% vel chu general practitioner an ni," tih IMA thu chhuah chuan sawiin doctor te himna chungchang an ngai pawimawh hle tih sawiin, hetih lai hian hri pui donaa thawk ten an nunna hlu tak an chan chu pawi an tih tak zet thu an sawi lang bawk.
Ram chhungah hri kai thar nitin an pun mek lai hian doctor hri kai leh vei leh thihpui an tam ta tial tial hian thil thui tak ngaihtuah a ngai hle a ni. Doctor thi zinga tam ber hi general practitioner an ni a, mipui natna chi hrang hrang laka mahni insawisel -- khawsik, pumna etc leh tuna hri pui leng lan chhuahna khuh, hrawkna, khawsik ten an pan hmasak ber chu general practitioner te hi an ni, tih IMA thu chhuah chuan a tar lang.
Prime Minister Narendra Modi hnena lehkha an thawnah IMA chuan Prime Minister hnenah ngenna thlenin doctor te leh an chhungte himna ngaihtuah sak turin an ngen a, hri dona kawnga an nunna thap leh thihna ko tlanga ding reng chunga hna an thawh a ngaih avangin hetiang vanga an lo thih pawha zangnadawmna leh thih hnua chhungte dawn tur (medical & life insurance) hamțhatna doctor te tan siamsak turin ngenna an thlen a ni. "IMA hi India ram hmun hrang hranga Doctor nuai 3.5 lai aiawh ram mipuite hriselna tura thawktu an ni. COVID-19 hi nasa taka ram chhungah a darh avangin heng dam lo te enkawl tur hian Sorkar leh private damdawi in te thliar hran hleih theih a ni lo a, hetiang tho hian he hri hian mi lian leh mi te tumah a thliar hrang chuang lo a, mi zawng zawng kai leh vei theih vek anih avangin kiltin hi a nghawng vek a ni.
" Ngaihtuahna ti thui tak chu state țhenkhat ațanga report dawn danin Doctor te leh an chhungte damdawi ina hri kai enkawl ngai te khum an chang lo fo țhin tih leh enkawlna tur damdawi a awm mumal loh vangin heng thihna tam ber hi thleng a ni. Hetiang anih avang hian IMA chuan Sorkar laipui hnenah ngenna thlenin hri pui rapthlak takin ram chhung a tuam mek lai hian Doctor te dinhmun chu ngaihven țha lehzual tur leh an hma khua ngai tur leh an himna tura ruahmanna siamsak turin Sorkar chu an ngen a ni", tih thu Dr Rajan Sharma, National President, IMA leh
Dr R V Asokan, Secretary General, IMA te chuan an sawi.
An sawi zel dan chuan COVID-19 enkawltu doctor te thih dan chu "dinhmun manganthlak tak" a ni tawh a, hetiang anih avang hian tun dinhmun aia țha leh him zawka hna thawh anih theihna turin ruahmanna neih vat țul an tih thu an sawi.
"Doctor zawng zawngte nunna chhanhim leh ven țhat hian mipui leh dam lo nunna tam tak chhanhimna atan a țul a, doctor ten chu hna an thawh theih zel chu a țul hian a țul tak zet a ni. Doctor ten nunna an chan hian anmahnia innghat an nupui/pasal leh fate mai bakah vantlang tan channa nasa tak a ni a, chuvang chuan an him hi mipui tan a țul tak zet a ni, " IMA chuan a ti.
COVID-19 vanga India ram state hrang hrang doctor thi zat hetiang hi a ni.
Tamil Nadu 43
Maharashtra 23
Gujarat 23
Bihar 19
W. Bengal 16
Karnataka 15
Andra Pradesh 12
Delhi 12
Uttar Pradesh 11
Madhya Pradesh 6
Telengana 5
Haryana 3
Chandigarh (Punjab) 2
Assam 2
Jammu & Kashmir 1
Puducherry 1
Odisha 1
Meghalaya 1
HRI KAI DAN
Khawvel ram hrang hrang leh India ram hri kai dan mihring nuai 10 (COVID-19 case per 1 million) zela kai dan chu hetiang hi a ni :
USA 14,446
Brazil 13,451
South Africa 9,064
Columbia, 6,794
Spain 6,627
Russia 6,010
Iran 3,811
Mexico 3,538
India 1,469
*World 2,425*
*HRI KAI THIH DAN*
Hri kai nuai 10 zel hisapa thih dan (death per 1 million) hetiang hi a ni.
United Kingdom 684
United States 475
Brazil 458
Mexico 385
Columbia 228
Iran 214
Russia 101
India 30
*World 91*
[ Data from Ministry of Health and Family Welfare, Government of India]
Source :
Times of India
August 08, 2020
@ 16:50 IST
Ministry of Health and Family Welfare
===09==08==20==
Huna Kawlvawm
"IMA chhinchhiah dan chuan India ram hian hri pui COVID-19 vang hian doctor 196 nunna a chán tawh a, heng zinga 170 te chu kum 50 chung lam an ni a, an zinga 40% vel chu general practitioner an ni," tih IMA thu chhuah chuan sawiin doctor te himna chungchang an ngai pawimawh hle tih sawiin, hetih lai hian hri pui donaa thawk ten an nunna hlu tak an chan chu pawi an tih tak zet thu an sawi lang bawk.
Ram chhungah hri kai thar nitin an pun mek lai hian doctor hri kai leh vei leh thihpui an tam ta tial tial hian thil thui tak ngaihtuah a ngai hle a ni. Doctor thi zinga tam ber hi general practitioner an ni a, mipui natna chi hrang hrang laka mahni insawisel -- khawsik, pumna etc leh tuna hri pui leng lan chhuahna khuh, hrawkna, khawsik ten an pan hmasak ber chu general practitioner te hi an ni, tih IMA thu chhuah chuan a tar lang.
Prime Minister Narendra Modi hnena lehkha an thawnah IMA chuan Prime Minister hnenah ngenna thlenin doctor te leh an chhungte himna ngaihtuah sak turin an ngen a, hri dona kawnga an nunna thap leh thihna ko tlanga ding reng chunga hna an thawh a ngaih avangin hetiang vanga an lo thih pawha zangnadawmna leh thih hnua chhungte dawn tur (medical & life insurance) hamțhatna doctor te tan siamsak turin ngenna an thlen a ni. "IMA hi India ram hmun hrang hranga Doctor nuai 3.5 lai aiawh ram mipuite hriselna tura thawktu an ni. COVID-19 hi nasa taka ram chhungah a darh avangin heng dam lo te enkawl tur hian Sorkar leh private damdawi in te thliar hran hleih theih a ni lo a, hetiang tho hian he hri hian mi lian leh mi te tumah a thliar hrang chuang lo a, mi zawng zawng kai leh vei theih vek anih avangin kiltin hi a nghawng vek a ni.
" Ngaihtuahna ti thui tak chu state țhenkhat ațanga report dawn danin Doctor te leh an chhungte damdawi ina hri kai enkawl ngai te khum an chang lo fo țhin tih leh enkawlna tur damdawi a awm mumal loh vangin heng thihna tam ber hi thleng a ni. Hetiang anih avang hian IMA chuan Sorkar laipui hnenah ngenna thlenin hri pui rapthlak takin ram chhung a tuam mek lai hian Doctor te dinhmun chu ngaihven țha lehzual tur leh an hma khua ngai tur leh an himna tura ruahmanna siamsak turin Sorkar chu an ngen a ni", tih thu Dr Rajan Sharma, National President, IMA leh
Dr R V Asokan, Secretary General, IMA te chuan an sawi.
An sawi zel dan chuan COVID-19 enkawltu doctor te thih dan chu "dinhmun manganthlak tak" a ni tawh a, hetiang anih avang hian tun dinhmun aia țha leh him zawka hna thawh anih theihna turin ruahmanna neih vat țul an tih thu an sawi.
"Doctor zawng zawngte nunna chhanhim leh ven țhat hian mipui leh dam lo nunna tam tak chhanhimna atan a țul a, doctor ten chu hna an thawh theih zel chu a țul hian a țul tak zet a ni. Doctor ten nunna an chan hian anmahnia innghat an nupui/pasal leh fate mai bakah vantlang tan channa nasa tak a ni a, chuvang chuan an him hi mipui tan a țul tak zet a ni, " IMA chuan a ti.
COVID-19 vanga India ram state hrang hrang doctor thi zat hetiang hi a ni.
Tamil Nadu 43
Maharashtra 23
Gujarat 23
Bihar 19
W. Bengal 16
Karnataka 15
Andra Pradesh 12
Delhi 12
Uttar Pradesh 11
Madhya Pradesh 6
Telengana 5
Haryana 3
Chandigarh (Punjab) 2
Assam 2
Jammu & Kashmir 1
Puducherry 1
Odisha 1
Meghalaya 1
HRI KAI DAN
Khawvel ram hrang hrang leh India ram hri kai dan mihring nuai 10 (COVID-19 case per 1 million) zela kai dan chu hetiang hi a ni :
USA 14,446
Brazil 13,451
South Africa 9,064
Columbia, 6,794
Spain 6,627
Russia 6,010
Iran 3,811
Mexico 3,538
India 1,469
*World 2,425*
*HRI KAI THIH DAN*
Hri kai nuai 10 zel hisapa thih dan (death per 1 million) hetiang hi a ni.
United Kingdom 684
United States 475
Brazil 458
Mexico 385
Columbia 228
Iran 214
Russia 101
India 30
*World 91*
[ Data from Ministry of Health and Family Welfare, Government of India]
Source :
Times of India
August 08, 2020
@ 16:50 IST
Ministry of Health and Family Welfare
===09==08==20==
Huna Kawlvawm
Post a Comment
He post chungchanga i ngaihdan lo sawi ve rawh: