August 11, 2020: Mizoram Rural Bank (MRB) Chairman V Jayachandra chuan vawiin khan Mizoram Rural Bank branch 87-na Farkawn Branch a hawng.
Farkawn MRB hawnna inkhawm hi hripui leng vangin, mipui him zawk nan sawm bik mi tlemtein an telpui.
He branch thar hhawngtu MRB chairman V. Jayachandra chuan, MRB branch thar hawn chuan Farkawn leh a chhehvela sawrkar hnathawk, Zirna ina thawktu, kuthnathawktu leh dawr neiten an tangkaipui tur thu sawiin, farkawn leh a chhehvel khua-te chu hmasawnna'na bank chu hmang tangkai turin a sawm bawk. exploremizoram.com
Mizoram Rural Bank hi Regional Rural Bank Act (1976) hnuaiah September 27, 1983 khan hawn niin, tuna branch thar hawn tak nen hian Mizoram pumah branch 87 an nei ta a ni. Bank hi Rural Development block hrang hrangah hawng tawhin, 2011 atang khan heng MRB branch zawng zawngte hi CBS kaltlanga thlunzawm vek an ni tawh.
Thudawnnain a tarlan danin, Mizorama bank awm 27 zingah, financial year 2019-20 ah MRD hian market share 27.68% deposit ah neiin, advances ah 31.03% zet an nei. Mizoramm-ah hian bank 27 awmin, Public Sector Bank 14 , Private Sector Bank 10, Co-operative Banks pahnih leh Regional Rural Bank pakhta an awm mek a ni.
Kum 2019-20 chhunga Mizoram Rural Bank dinhmun i han tarlang lawk ila,
Total Deposits - 3,478.13 crore
Total Advances - 1,535.43 crore
Total Business - 5,013.56 crore
Profit - 13.31 crore
exploremizoram.com
(A hnuaia fakna hi lo hmet ve rawh.)
(A hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: