Aizawl | August 7, 2020: MPCC Upa Wing chuan vawiin khan Pu CL Ruala Lok Sabha Ex-MP leh Pu Ronald Sapa Tlau Rajya Sabha Ex-MP te chawimawina hun an hmang.
He hun hi MPCC Upa Wing President Pu Lt. Col. Z.S Zuala Ex-MLA chuan kaihruaiin, Pu Manliana CSM chuan hunserh a hmang a, Pu F. Sangkunga, Vice President leh Pu Rosiama Ralte Treasurer ten MPCC Upa Wing aiawhin chawimawina Citation an hlan a ni.
MPCC Upa Wing hian Member of Parliament kal chhuak tate pahnih Mizoram tana an ṭangkai zia leh an thawh hlawk zia an ngaihtuahin chawimawi phu an ti a, sorkar thuchhuak zawmin mi 50 aia tlem pung khawmin chawimawina Citation hlanna hun hi an buatsaih a ni.
MPCC Upa Wing rual hian Mahila Hqrs te chuan chawimawina hun hmang ve nghalin pangpar nalh tak an hlan bawk. Pi Lalrinawmi Vice President Mahila Hqrs chuan thusawiin, MP kan neih tawh ho zinga ṭha ber an nih avangin chawimawi an phu a, COVID-19 avanga harsatna chu awm lo se ropui taka chawimawi an la phu hial zawk a ni, a ti.
Post a Comment
He post chungchanga i ngaihdan lo sawi ve rawh: