Aizawl | August 3, 2020: Nimin lama The Grand Hotel, Chanmari a thawktu pahnih COVID 19 positive hmuh thu kal zelah Zarkawt veng chuan an veng chhungah magistrate hriatpuina in mipui him zawk nan vawiin aṭanga thu leh awm hma chu Total Lockdown an puang.
Zarkawt Local Task Force chuan hemi chungchangah hian thuchhuah siamin dan felfai takin an zam a, thuchhuah chuan, "veng thenawma positive hmuhchhuah ten kan veng hmun/dawr țhenkhat a rawn tlawh avangin ni 3 August, 2020 (Thawhțan ni) atangin thuleh awm hma chu Magistrate hriatpuinain Zarkawt veng chhungah 'Total Lockdown puan a ni." a ti.
Hriatturte:
• Zarkawt vengchhunga Office, Bank, infiamna hmun leh sumdawnna hmun zawng zawngte chu khar vek tur a ni.
• Total Lockdown chhung hian veng pawna office turte leh veng pawna hnathawk turte chhuah phal a ni lo.
• Kohhran zing tawngtai inkhawm neih chhunzawm loh tur a ni.
• Zarkawt venga motor tlan tlang turten veng chhungah mihring (passanger) an chhuktir (drop) tur a ni lo.
• City bus-te Zarkawt vengah ding lovin an tlan tlang tur a ni.
• Veng mipuite Total Lockdown chhungin pawn chhuak lo tura ngen leh hriattir an ni.
• Total Lockdown hian bawnghnute sem, chanchinbu sem, bawlhhlawh paih motor leh medical-a thawkte a huam lovang.
• Bawlhhlawh paih motor a bawlhhlawh paih turten Social Distancing an zawm tur a ni.
(A hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: