Aizawl | August 3, 2020: Nimin khan Rapid Antigen Test hmangin sample 20 test a ni a, COVID-19 positive 2 hmuhchhuah niin sample 18 test result a negative thung.
COVID-19 positive hmuhchhuah tharte hi Aizawl district ami ve ve, mipa kum 30 a upa leh kum 44 a upa niin Bihar leh Delhi atanga lo kir an ni. Quarantine facilitya awmlai ve ve an ni a, COVID-19 asymptomatic ve ve an ni.
Nimin vek khan ZMC RT-PCR laboratory-ah The Grand Hotel, Chanmari, Aizawla thleng leh thawktu mi 12 sample test niin a vaiin a negative a ni. Contact tracing tih chhunzawm mek a ni a, tuna sample test negative te pawh hi quarantine chhunzawm zel an ni ang a, a tul dan azirin swab sample test nawn sak thin an ni ang. Anni bakah The Grand Hotel a thleng leh thawktute nen a contact nei zawng zawngte pawh chhui mek a ni a, a tul angin sawrkarin hma a la char char a ni.
(A hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: