Aizawl | August 5, 2020: Mizoram State Election Commission chuan vawiin khan Village Council leh Local Council inthlan hun atan ni August 27, 2020 (Thursday) a puang.
Vote thlak theih hun chhung hi zing dar 7:00AM atanga tlai dar 5:00PM a ni a. Vote thlak zawh a nih hian vote chhiar tan nghal tur a ni a, Re-poll a awm a nih chuan ni 28.08.2020 (Friday)-ah, zing dar 7:00AM atanga tlai dar 5:00PM thleng vote thlak theih a ni ang.
Village Councils inthlan-ah hian Voter hmeichhia 2,29,937 leh mipa 2,24,243 an awm a, voter belhkhawm 4,54,180 a ni. Village Council-ah hian general seat 1831 a awm a, reserved seat 633 niin, avaiin seat 2464 a awm a; 2015 inthlan aiin a punna chu seat 163 a ni.
Local Councils inthlan-ah hian Voter hmeichhia 1,17,037 leh mipa 1,01,721 an awm a, voter belhkhawm 2,18,758 a ni. Local Councils-ah hian general seat 397 a awm a, reserved seat 148 a awm a, avaiin seat 545 a awm a; 2015 inthlan aiin a punna chu seat 10 a ni.
Mara Autonomous District Council (MDC) hnuaia 18-Siaha North-I by-election atan ni 26.08.2020 puan a ni bawk a. Vote hi ni 28.08.2020-ah chhiar a ni ang.
State pumah Model Code of Conduct hman nghal a ni.
- DIPR
Post a Comment
He post chungchanga i ngaihdan lo sawi ve rawh: