Thlam-a tingtang/Perhkhuang nena 'Ka thai' tih hla a sak chuan mi duh a hlawh a, ennawn a hlawhin mi tam takin social media-a an post bakah status ah te an hmang nasa hle. - exploremizoram.com
He hla thiam taka rawn satu Lawmkima hi mi tam tak atanga a chanchin hriatchian chaka zawhna kan dawn takah chuan kan be pawp ve ta a. I tan kan rawn chhawp chhuak e.
Thiam taka 'Ka thai' satu, a zai status a i hman thin kha tu dang ni lovin 'Lawmkima' a ni a, 'Mama' tiin an ko mai thin a. H Lallawmkima tih hming puin March 26, 1987 khan a lo piang a, H Lalrinawma leh C Huthangi te fapa niin, Mamit district-a Kawrtethawveng khua-ah chengin an khawsa a, lsua Krista Kohhrana lawi an ni. - exploremizoram.com
An unau hi paruk an ni a, mi pahnih boral tawhin a naupang ber dawttu a ni a, mipa awm chhun a ni.
Zai hi a tui hle a, amah pawhin, "ka tui lutuk, nuam ka ti," a ti a, Mahse, 'an kawrte mah a thawveng a, a mi chengte phei chu an thawveng ngawt ang' tia an lo sawi fiamthu thin ang lo takin, Lawmkima hi mi zakzum tak mai a ni a, " zahzum avang hian mipui hmaah hi chuan ka zai ngai lo." a ti. - exploremizoram.com
Zirna lam: pawl sawm ka pass lo a, BPP ka exam a, ka pass ve hlauh a, mahse, a bak chu ka chhunzawm ta lo.
Youtube Link: https://www.youtube.com/watch?v=UPecgAnq25k
(In lo subscribe ve dawn nia.)
A nuam tih zawng exploremizoram.com zawhna chhangin, "Pathianin thian fel tak tak min pe a, ka thiante bula awm hi nuam ka ti." a ti a. Zirna lamah pawl sawm a zo lova, BPP examin a pass a, a bak chu chhungkaw harsatna vangin a chhunzawm thei lo a ni.
Duhzawng leh ngainat zawng:
Lehkha bu: Pasaltha chanchin ziahna lam kaduh.
Actor/actress: Shah Rukh Khan leh Amisha Patel
Zaithiam: Vanlalsailova leh Celine Dion
Chawhmeh: Sâ leh dâl hang chhum
Hla: tunlai hi chuan Vanhleisung hla 'nang chauh lo chuan' tih hi ka duh.
Hmun: Ram dang hi kan thleng vak lem lova, tuna ka awmna kan huan, ka tâ tih ve tur awmna hi nuam ka ti.
Ziaktu: Pu KL Liana(L)
Relationship status- single
Pathian tih sela fel leh hmangaihna ngah mi nise..😄😄
Hla a record tawh leh tawh loh tih zawhna chu, "Hla hi ka la record ngai lo hrim hrim a, phone a ka zai an lo record palh tih loh hi chu," a ti a, record nan hun tha nei la i duh ang em tih zawhna chu, "Tih theih chu nise nakina la sawi ve atan te pawh recording tih hi chu ka duh tho..😄" tiin a Lawmkima chuan a chhang.
- H Zate
Founder/Editor
Explore Mizoram
(Website leh a hnuaia fakna hi lo hmet ve rawh.)
(Website leh a hnuaia fakna hi lo hmet ve rawh.)
Ka lung ati lêng ngawih ngawih.. A aw mawimawi dam diai hian min hneh ani. (ahla sak in a zir bawk nen)
ReplyDelete👍👍
ReplyDeleteA ngaihnawm hle mai
Post a Comment
He post chungchanga i ngaihdan lo sawi ve rawh: