KERALA STATE SORKARIN KUM 800 A UPA BIAK IN VAWIIN KHAN A CHHUHSAK!

AUG 17, 2020: The Marthoman Jacobite Syrian Cathedral Church  Mulanthuruthy  khua a mi hi kum AD 1200 a sak tawh,(Mizoten tuna Mizoram kan luah hma kum 400 vel) tuna Jacobite Church lamin an enkawl mek chu Supreme Court in July 3, 2017 a thu tlukna a lo siam tawh angin Kohhran phel leh lam  Orthodox Church hnenah pek a ni.


Tukin Thawhțanni zing takah khan Kerala Sorkar chuan Marthoman Jacobite Syrian Cathedral Biak in Mulanthuruthy khua Ernakulam District ami chu Malankara Kohhran Jacobite leh Orthodox te ințhen avanga an inkarah buaina rei tawh tak avang leh Biak In neitu zawk nihna pawh hun rei tak an lo inchuh tawh a ni. State Sorkar hian Court thu tlukna angin Biak in hi a laksak ta a ni. Malankara Church, hi Kerala state a non-Catholic Christian hlawm lian tak an ni. 

Kum tam tak kal tawha Malankara Church buaina avanga Kohhran chu a  phel (faction) Jacobite leh Orthodox in an awm hrang a ni. Mulanthuruthy khuaa Biak In hi  tunah hian Jacobite pawl lamin an enkawl mek a ni.  Supreme Court  in thu tlukna  July 3, 2017 a lo siam tawh angin a neitu nihna  hi pawl phel lehlam tuna a Biak In luahtu ni lo zawk Orthodox Church kutah pek a ni. 

Supreme Court  hian kum 1934 tawha he Kohhran inawpna dan leh he Kohhran hnuaia Biak In enkawl dan tur dan a lo siam tawh (constitution of the Malankara Orthodox Syrian Church) chu behchhanin thu tlukna hi a siam a ni. Supreme Court thu tlukna hian he Kohhran pahnihte inkara Biak In 1,000 chuang zet chu a neitu zawk nih inchuh a a rawn nghawng buai ngei dawn a ni.  Court thu remna hian chiang takin a neitu nihna  Orthodox  pawl lam (faction) a pe a, chu chu an  constitution kum  1934 tlawh chhana thu tlukna siam a ni. 

Supreme Court in hetianga thu a tih tluk hnu hian Biak In tam tak chu Orthodox  pawl hnenah hian Jacobite pawl lam te dodalna nasa tak karah hlan a ni tawh.

State Sorkarin Court thu tlukna a kalpui thuai loh nachhan hi  politics thila lamțang siam tumna vang a ni a, hei vang hian  Orthodox Church  te chuan State Sorkarin Supreme Court rorelna  zawm duh mai lo chu an mangang a, hemi chungchang hi court hrang hrangah an thlen a ni. Court in state Sorkar hnenah khauh taka thu a pek tak vanga he Biak In hi la ta chuk chuk a ni. Police ten he Biak In an chhuhsak lai hian Jacobite Kohhran mi tam tak leh puithiamte chu Biak In chhung lamah an awm a, a luhna thir kawng khar pawh chhung lam ațangin an kalh a, police an kalhna te hi ti chhiain mipuite chu an hnawt darh a, an chhuhsak ta a ni. 

Mulanthuruthy Biak In hi Isua zirtir martar Thoma hming chawia Kohhran hming pawh hi phuah niin Marthoman Jacobite Syrian Cathedral Church tih a ni. Kerala state a Mulanthuruthy Biak In  Gothic architecture hmanga sak a ni. Biak In sakna hmanrua, lung ker mawi leh thil chi hrang hrang hi  Indian, West-Asian leh European architecture te chawh pawlh a ni a a nep lo viau a ni. He Biak In a lawi Kohhran mi tam ber hi Jacobite  pawl lam an ni. 

 Malankara Kohhran hi kum 1912 khan  Jacobite leh Orthodox hmingin a phel a, kum 1959 khan an inzawm leh a, mahse rei a daih lo, kum 1972-73 ah a hma ang bawkin an phel leh ta a ni. Hemi avang hian Jacobite leh Orthodox Kohhran te hian Biak In leh Kohhran ram leh in hi an inchuh nasa hle a ni. Biak In an inchuh hi 1,064 a ni a, heng zinga 15 phei chu rei tak inkhawmna atan hman tawh loh an ni. Biak In  inchuh nasat zual bik hi member an intluk tawnna Kohhran 200 vel a ni.

Kerala ah hian Catholic Kohhran tam berin Kristian zinga 61% vel an ni a, Kohhran dang te chu Jacobite Syrian Church, Orthodox Syrian Church, Church of South India, Pentecostal Church te an ni.

Kum 2011 census in Kerala state a sakhaw hrang hrang zuitu awm zat a tar lan dan chu :

Hindu       1,82,82,492  59.73%

Muslim      88,73,472   26.56%

Christian  61,41,269    18.38%

NOTE 
Tun hnaiah India chhim lama Kristian --Catholic leh Protestant Kohhran zingah  thawm nalh vak lo hriat tur a awm ta zeuh zeuh a, anni hi India ram pumpuia Kristian hmel ti langtu leh ram pum huap pawha Kristian zinga hruaitu tling thei chher chhuak țhin an ni tih hre chungin țawngțaipui an ngai hle a ni.

Source :

Indian Express
August 17, 2020 
@ 3:36 PM IST 

===17==08==20==
Huna Kawlvawm

Post a Comment

He post chungchanga i ngaihdan lo sawi ve rawh:

Previous Post Next Post