JOE BIDEN HNUAIAH AMERICA MI TUMAH AN HIM LO ANG, KAMALA HARIS HI A CHHE ZAWK LEHNGHAL - DONALD TRUMP

Aug 15, 2020: Kumin November 3 a US President inthlanna tur boruak pawh hri pui leng karah campaign boruak a sang chho tial tial a, a ngaihnawm chho țan hle a, țawngkam an hmang hriam tial tiala, a la ngaihnawm chho zel  dawn e. US President Donald Trump chuan vawiin Zirtawpni hian ( he mi ziah lai hian an tan Zirtawpni a la ni)  Democratic presidential candidate Joe Biden-a vice president tur   Kamala Harris-i chu a campaign-naah a dim lo țan hle mai.  " Biden-a hnuaia  America a awm chuan mi tumah an him lo ang, chu a chhapah a Vice President tur  California Senator phei hi chu ani aiin  "a la chhe zawk cheu a ni", a ti.

 

"Joe Biden hi  President a nih chuan , American mi chi hrang hrang tan a hran zelin police department siamna tur dan a chhawp chhuak nghal ang, Kamala (Harris) hi ani aia la chhe leh chhawng zawk tur a la ni cheu lehnghal. India thisen kai chu a ni ngei mai. Mahse, "ani (Harris) ai hian India mi lam țang ka ngah fe zawk," tih thu Trump  City of New York Police Benevolent Association member hmaah a sawi.

President chuan a sawi zelnaah Senator Harris chu a bitum nghal chat a, Harris chu Police haw tak a ni a, Harris leh Joe Biden te pahnih hian "na taka Police hrawmbeh duh" (a left-wing war on cops) an ni tih a sawi. "Heng mite hian (nang ni) police te hian in zahawmna leh zah inkaina zawng zawng te an hlihthlaksak vek duh ang che u ... Biden-a hnuaiah hian America mi tumah an him lo ang, November ni 3 ah hian chutiang bukna chu a thleng dawn tih in hriat loh ka duh lo a ni,"
Trump chuan a ti. Biden-a hian Police hma lakna ti țhuanawp zawnga an tan sum ruahmanna tih tlem a duh tih thu Fox News  report chuan a tar lang.

Meghan Markle pawhin thu a sawi a, America rama a kir leh chu nuam a tih thu te, vun rawng leh chi inthliarna chu awmze nei leh nu but but loa do țha a tih thu a sawi.  Markle leh a pasal  Prince Harry kumin ațang hian Canada kal tlangin  United States ah hian awmhmun an beng bel a,  January thla khan British lal chhungkuaa an tih tur ang te tlawmsan leh phatsanin America/Canada lamah hian an pem thla a ni.

Trump hian a khingpui Joe Biden chu fiamthu titihin a bei a, hming lem a phuahsak " Joe mutchhuakpa (sleepy Joe) tih bakah  hming lem thar a rawn sawi chhuakin US President Donald Trump chuan November ni 3 inthlana a khingpui tur, Joe Biden chu fiamthu leh dah hniamna hmanrua atan hetiang hian a sawi," Joe mutchhuakpa tih nge Joe Țuanfumpa/Țuanmuangpa (Sleepy Joe or Slow Joe) tih hi a eng nge țha zawk ang? " tih  Trump chuan Bedminster, New Jersey  golf club house zawla mipui pung khawmho hnenah chuan a zawt a, mipuite an nui ham ham a ni.

Joe Biden  hi President atan thlan tlin anih phawt chuan US hi a tlu chhiain a hmabak  a thim khawp ang tih Trump chuan a sawi. " Vawiin hian, in hmuh leh hriat angin Joe Biden hri pui leng hi politics a hamțhatna atan hman tumin a buai philiin min bei nasa hle a, hetianga a chhe thei ang bera America a sawt hi mipuite tham lohna leh hmuhsitna tenawm tak a ni.  Joe Biden hian hri pui leng hi a hlawkpuia, Joe Biden hi President anih vaih zawngin Khawvel hian min hmusitin min nuih hluah hluah dawn a ni, kan ram  United States  hi a THU SAWP ang !” US President Donald Trump chuan a sawi.

New York City Mayor hlui Rudolph Giuliani pawhin Zirtawpnia NYCPBA inhmuhkhawmah hian thu a sawi bawk a, dan hremi anihna anga Kamala Harris  California Attorney General a nih laia a record țhat lohzia sawi chhuakin  Giuliani chuan Kamala Harris hian "thiam loh a chantir hi an tlem hle a, milian leh hausa te phei chu thiam loh a chantir ngai lo, " a ti.

Source:
Times of India
August 15, 2020
@ 12:57 IST
New York Times
August 15, 2020

====15==08==20 ==
Huna Kawlvawm

Post a Comment

0 Comments