Independence Day 74-na lawmna Red Fort-a Prime Minister Narendra Modi thusawi

Khua leh tui duhtak te u, vawiin ni ah hian lawmpuina leh duhsakna ka hlan a che u.
Corona hri leng avangin hmun hrang hrang kan buai a, he natna do tu te chuan 'Seva Parmo Dharma' hmachhuanin hna an thawk mek a. Kan doctor, nurse, paramedical staff, ambulance khawihtu, safai karmacharis, police leh kawng dang danga hnathawk te nen entik lai pawhin min vil reng a ni.
3. Khuarel chhiatna avanga tun hnaia nunna chan te kan hre reng a, mamawh leh tul apiangah harsatna tawk te kan thlah thlam dawn lo.


4. India in zalenna a sual kawngah khawvel in a fak a. Ram tam zawk lak duh avangin ram thenkhat te an tal buai mek a. Indona pawhin India zalenna a la kiang thei lo a nih kha.
5. Covid buaina kan tawh mek lai hian India mi 130 crore te chu mahni in rawn tawkna nei thar leh turin ka chah a. India ram siam that leh tumna 'Armanirbhar Bharat' chu an riru ah thar leh se tiin vawiin hian ka chah duh a ni.
6. Vawiin ah hian, khawvel ram dangte te nen inzawmna leh inlai chinna tha kan nei a. Khawvel economy hmahruaitu ni tura kan zuan luh a ngai tawh a ni. Hemi atan hian, kan ram hi mahni a intodelh- loneih atanga healthcare thlengin kan ni tur a ni a. Space sector leh thil dang danga kan hmalakna te chuan inrawn tawkna min pe thar leh a, kan thalai te tan eizawnna kan siam sak teuh theih bakah an thiamna te kan hmang tangkai thei dawn a ni.
7. Thla tlem te kalta ah khan kan ram ah ram dang atangin N-95 mask, PPE kit leh ventilator te kan lakluh a ngai a, tunah chuan hengte hi kan siam mai ni tawh lovin, ram dangah kan thawn chhuak tawh zawk a ni.
8. Make in India bakah Make for the World hi kan thupui ni tawh rawh se.
9. Hmasawnna ruhrel siam kawngah pipeline project Rs 110 lakh crore a awm mek a, hei hian nasa takin hma min sawn tir ang. Hemi hnuaia thawh tur hi ruahmanna 7000 vel kan nei mek a, kan ram hmasawnna atan mel lung pawimawh tak a ni ang.
10.Engtik hunah nge kan ram atanga thar chhuah te hi kan ramah ngei kan zawrh chhuah tlakin kan siam theih ang. Tun hma kha chuan kan lonneitute hi an hlawk lo hle thin a, an chawmna tur hi kan ngaihtuah hmasak ber a ni thin. Tunah erawh chuan kan ram bakah ram dangah te an tharchhuah an thawn chhuak thei tawh a ni. India intodelh awmzia chu ram dang atanga lakluh tihtem bakah kan thiamna te hman tangkai a ni.
11. Khawvel zawng zawng hian India kal dan hi an thlir a, FDI rawn lut pawh tamin Covid buai lai pawh hian 18% in a pung a ni.
12. Tu in nge cheng nuai tam tak kan rama mirethei te Jan Dhan account-a a luh ring ang? Tu in nge loneitute tan APMC Act a hlawhtlin ring? Tu in nge One Nation- One Ration Card, One Nation-One Tax, Insolvency and Bankcruptcy Code leh Merger of Banks te a thlen theih ring? Vawiin ah chuan heng te hi a takin kan hmu vek tawh asin.
13. Hmeichhia te hmasawnna tur kan ngaihtuah a, Navy leh Airforce ah indo thlawhna leh lawng te an khalh thei tawh a, tunah hma an hruai mek, triple talaq kan ti bo a, sanitary pad cheng 1 in a lei theih tawh bawk.
14. Khua leh tui duhtak te tu, khawtlang thanna chu sawrkar chak leh mi hnuaihnung berte chawikanna a ni tih kan hriat tawh kha.
15. Kan rama mi harsa chhungkaw 7 crore te chu a thlawnin gas cylinder pek an ni tawh a,  mipui vbch 80 chuang hnena eitur ration card tel leh tel lovin kan pe a, vbch sing 9 hnenah an bank account in sawrkar chhawmdawlna kan pe bawk a. Garib Kalyan Rojgar Abhiyan hnuaiah thintlanga mi rethei te tan eizawnna kawhhmuh mek a ni.
16. Tual chhung-a thiamna te chher a, hmang tangkai turin hmalak mek a ni a, hei hian mimal a intodelh tir anga;  mirethei tam tak te a chawi kang dawn a ni.
17. Kan rama hmun tam tak hi hmasawnna lamah an hnufual hle . Aspirational district 110 thlan chhuah tawh a ni a, heng ah te hian zirna in, damlo enkawlna leh eizawnna tam zawk a awm theihna tura hmalak  ani.
18. India intodelh kan tih hian lonneitute thar chhuah a tam a, an khawsak phung a changkang hi kan ngaih pawimawh a ni. Hemi atan hian tunlai thiamna an hman theih nan hmalak a ni a, ' Agriculture Infrastructure Fund' Rs 1 lakh crore hu chu din a ni.
19.  Hei lai, Red Fort atang ngei hian Jal Jeevan mission kan puang a, vawiin ah chuan chhungkaw nuai 1 chuangin tui thianghlim in tur nitin an dawng tawh a ni.
20. Middle class atanga chhawr chhuak mithiam ten kan ram chhung bakah ram pawnah an thiamna te an hmang tangkai zel a. Tunah hian an tan hun tha kan siamsak a ngai a ni, middle class te hi zalenna kan pek a ngai.
21. A vawi khatna atan home loan EMI chu Rs 6 lakh ah tihniam  ani a, nikum khan Rs 25,000 crore pek chhuah  a ni.
22. Kan rama Education hmasawn hi Modern India tana mamawh hmasak ber a ni a, hei vang hian New Education Policy pawh duan a ni.
23. Corona hun lai hian Digital India campaign pawimawhna kan hmu a. Thla khat kalta khan BHIM UPI ah ringawt Rs 3 lakh crore transaction a awm a ni.
24. 2014 hma lam ah khan optical fibre in panchayat dozen 5 ah chauh a awm a. Kum 5 kalta khan 1.5 lakh ah niin tun atanga ni 1000 ah chuan thintlang nuai 6 ah optical fibre hi thlun zawm tum a ni.
25.Khua leh tui duh tak te u, hmeichhe tana hun leh hmun siam anih phawt chuan kawng enkim ah hruaitu an ni thei tih hi ka hmu chiang tawh hle. Vawiin ah chuan hmeichhia te nitin inhlawh chawp tawh lovin indo thlawhna te an khalh a, vansangah eng an chhi a ni.
26. Jan Dhan account nei mi vbch 40 zingah vbch 22 chu hmeichhia an ni. Corona hrik len zual lai April- May- June  ah khan vbch sang 3 chuang hnenah an account ah pawisa pek an ni.
27.  Corona hrik a awm tan tirh khan a enna lab pakhat chuah kan ramah kan nei a, tunah chuan lab hi 1400 kan nei tawh a ni.
28. Kan ramah hian campaign lian tak a awm leh dawn a, chu chu National Digital Health Mission niin India health sector chu a tharin a rawn her danglam dawn a ni. Rest zawng zawng leh report zawng zawng te chu Health ID pakhat ah tarlan a ni zel tawh ang.
29. Vawiin ah hian Corona damdawi 3 enchhin mek a ni. Kan scientist ten a hlawhtln an ring hle a, tam zawk kan siam chhuah theih nan hmalak mek a ni.
30. Kumin hian Jammu & Kahsmir ah hmasawnna thar kan hmu. Kum kalta aiin hmeichhia ten dan hnuaiah chanvo an nei a, refugee ten ngaihsak an hlawh a. Jammu & Kashmir bakah kan vaiin thu lawmawm a ni.
31. Ladakh Union Territory a siam a nih atangin mipuiten beiseina an nei leh a. Ladakh chuan hmalam a pan mek a ni. Sikkim chu Organic State ah puan a ni a, Ladakh chu rei lote ah carbon neutral hmuna siam tum a ni.
32. Pollution tih tlem na turin khawpui 100 velah campaign tum mek a ni.
33. Biodiversity vawn that hi kan thupui a ni a. Asiatic Lion project kalpui a ni tawh a, rei lo te ah Project Dolphin kan kalpui ang.
34.  LOC atangin LAC ah kan kai a. India ram chuhpui tute hian pakhat mah an nei lo ang. Kan sipai huaisen ten hma an la mek e.
35. Khawvela mipui tam zawk te hi South Asia ah an cheng a. Hei vang hian hmasawnna hmachhawp tam tak kan nei a ni.
36. Kan ramri leh tuipui lama kan ram chin te uluk taka vil mek a ni a. Kawngpui tha leh internet tha a tuam mek an ni.
37. Kan ramah hian thliarkar 1300 a awm a. Heng te hi chei that mek an ni. Tun atanga ni 1000 chhungin Andaman and Nicobar Islands bakah Lashadweep chei that a ni anga, submarine optical fibre dah tum a ni.
38.Border leh coastal district 173 ah te NCC thuam that zel an ni. He hmalakna hnuaiah hian a bika training NCC Cadet nuai 1 tan pek a ni ang.
39. Kan Policy, Process, Product engkim hi a tha ber a ni tur a ni. Kan rilru ah Ek-Bharat- Shresth Bharat tih awm rawh se.
40. Middle class chhungkaw tan Ease of Living- air ticket man tlawm, chenna in siam sak dan etc siam a ni a, an ni te hi chawi kan an ngai a ni.


- PIB Aizawl

Post a Comment

0 Comments