IASE Aizawl-ah contactless thermal imaging system bun; Vawiin atangin hmang tan dawn?

Aizawl | August 6, 2020: Institute of Advanced Study in Education (IASE) chuan nimin khan an college-ah Temperature Monitoring Access Control Terminal an bun.

He 'thermal imaging and facial recognition system' hian an college chu hripui lakaa inven kawngah a pui hle dawn nia  ngaih a ni a. He khawl hian lut chhuakte thla lo lain, temperatures/taksa lum zawng a lo teh zel a ni.



He khawl hi IASE office ah bun niin, hripui kian hunah pawh zirlaite leh staff te attendance lak dan pawh hman chhunzawm theih a nih an beisei thu an sawi.

Mirhingin hun leh tha senga endik hna a thawh kha he khawl hi chuan metre khat danah second rei lote chhungin mihring thla a lak bakah taksa lum zawng a teh thei dawn a. Hripui laka inven kawngah thuneitute a pui nasa hle dawn a ni.

He khawl hian, mihringin mask a vuah loh pawh a hre thei dawn a. Tin, a man chak avangin kal chungin, rei tak din buai kher a ngai dawn lo a ni.

(a hman dan video en duh tan)



He khawl hi a thatna chu a endik mai ni lovin, mi pangngai aia lumzawng leh nihphung dik lo deuh a hmuh chuan thawm a chhuah dawn a, chu chuan thuneitute a hriattir zel dawn a ni.

Thudawnna rinawm takin a tarlan danin IASE hian he khawl hi vawiin atangin an hmang tan dawn a ni.

Post a Comment

0 Comments