Hripui vangin SEC in tiam chin awm lovin inthlan hun sawn; inthlang thei lo tur 20 in an pun belh

Aizawl | August 26, 2020: COVID-19 darh zau zel tur ven nan State Election Commission chuan Village Council leh Local Council inthlanpui August 27 -a neih tur chu vawiiin khan Village Council pakhat leh Local Council sawmpakua-ah te hian thu leh awm hma chu inthlan hun sawn a nih thu a puang.

Sawrkar thuchhuah tarlan danin, SEC chuan Local council sawm pakua; Venghnuai Local Council, Bungkawn Local Council,  College Veng Local Council, Republic Vengthlang Local Council, ITI Veng Local Council,  Bawngkawn Local Council, Thuampui Local Council, Bungkawn Vengthar Local Council, Nursery Veng Local Council, Khatla Local Council, Ramhlun North Local Council, Ramhlun Vengthar Local Council, Ramhlun Sports Complex Local Council, Ramhlun South Local Council, Durtlang Local Council, Durtlang North Local Council, Maubawk Local Council, Bawngkawn South Local Council leh Dawrpui Vengthar Local Council te bakah VC pakhat Muallungthu Village Council chu tiam chin awm lovin inthlan hun a sawn a ni.

Nimin lam khan SEC chuan Village Council panga; Sawleng Village Council, Darlawn Village Council, Melriat Village Council, Hualngohmun Village Council leh Kelsih Village Council bakah Local Council pahnih Chaltlang Lily Veng Local Council leh Ramhlun South Local Council -ah te thu leh awm hma chu inthlan hun sawn a nih tur thu a lo puang tawh bawk a ni.

Vawiina sawn zawng hi LC 19 leh VC pakhat a ni a. Nimin lama sawn tawh nen chuan 27 a ni ta a ni.









(Website leh a hnuaia fakna hi lo hmet ve rawh.)

Post a Comment

0 Comments