FINFIAH LOH COVID VACCINE VANGIN RUSSIA DOCTOR THIAM A BANG; 'THIL NIH PHUNG KALH A NI'

Aug 16, 2020: Russia rama mihring thawkna lama thiam bikna nei doctor chu COVID vaccine vangin a bang a, a hmingah ' hnawhsarum vaccine' a vuah.

He vaccine siam chhuah dan hian damdawi lama thil kalphung leh nihphung pangngai zawng zawng a bawh chhe fai vek a ni tih thu a sawi.

Russia  ram hi novel coronavirus invenna damdawi siam chhuak thei hmasa ber khawvelah a ni ta ngei mai, mahse Khawvel puma damdawi lama thiamna leh hriatna ril nei (medical experts) leh  health agencies te chu an damdawi siam chhuah hian a hmin thei tlat lo a, a chhan pawh he Russian vaccine himna chungchang te, a țhat tawk danah te an lung a dum kim thei ngang lo a ni. Russian vaccine a hming atan ‘Sputnik V’ phuah hi  Moscow khawpuia  Gamaleya Institute leh  Russian defence ministry țang dunin an siam a ni. He vaccine chungchanga rinhlelhawm leh inhnialna ti chhuaktu ber chu he  vaccine hi  World Health Organisation-in a endik leh belhchiansak a la phal lo hi a ni. Chumi anih avang chuan he Russian vaccine hi tunah hian hman mai theih tura chhum hmin a la ni lo a, mihring chunga enchhinna dan famkim a la zawh chhuak lo a ni ( stages of human trials (Phase III). Khawvel ram hrang hranga medical experts te chuan an enchhin dan leh a siam hmang leh an enchhin dan kawngah rinhlelhna lian  tak an nei a, hemi avang hian Russia ram chhung ngeia an doctor thiam chuan he vaccine finfiah loh (untested vaccine) vang hian a ban phah hlawl mai.

*Russia ram doctor thiam chu  ‘medical ethics bawh chhiatna’ vangin a bang*
Media reports in a sawi danin  Russia’s top respiratory doctor Professor Alexander Chuchalin chu Russian health ministry ațangin a bang a, a ban chhan hi he vaccine 'SPUTNIK V‘ hian damdawi siam chhuahna kawngah a kawng zawh tur zawh loin 'thil nihphung' (medical ethics) a bawh chhiat fai vek vang a ni. Hei bakah hian  Professor Alexander chuan he vaccine hi a nih tur ang a la nih phak loh avangin "khawvela Coronavirus vaccine hmasa ber" hi a himna chungchang vangin registration hi tih khaw tlaia dan a tum tih sawi a ni. Hetianga a dan theih loh avang hian  Ethics Council of the Russian Health Ministry ațangin a bang ta a ni.

Russia rama chuap natna lam thiam chhuanvawr (country’s top pulmonologist) pawhin hming malman takin damdawi lam thiam heng mi te hi a sawisel a, chung te chu Professor Alexander Gintsburg,  Director of the Gamaleya Research Centre leh Professor Sergey Borisevich, Russia’s leading expert in virology. Heng  scientist te hi vaccine  ‘Sputnik V’ siamna tura thawh hlawk tak an ni tih thu Professor Alexander Chuchalin chuan a sawi a, ani hian hnawhsarum leh hmanhmawh taka vaccine siam chhuah chuk chuk chuan 'medical ethics' a kalh tlat a ni a ti. 

 “ *Hna țul thawh zawh a la ni lo!’' --Russia’s leading respiratory doctor*

Daily Mail Chanchinbuin report a ziah danin, Professor Chuchalin hian he vaccine siamtute hnenah hian a himna (safety norms) chungchang an tih chhuahah thil hriat chian duh pahnih a neih thu a sawi.  “Russian Federation legislation leh the international scientific community pawmpuina te in nei tawh em ? A teuh lo!”

“Heng hian an la pawmpui loh avangin hna hian a kawng zawh tur a la zawh zo lo, Chuvangin damdawi lama dan țha (ethical principles of medicine) leh zahawm tak chu bawh chhiat a ni, " a ti. 

*Russia vaccine hian  advance stage trials a paltlang a la țul*
 Russia hian he an vaccine siamah hian a hautak leh buaithlak ber  Phase III trials-- chutah chuan volunteers sang tam tak hnenah he damdawi țhat dan leh a țha lo lam zawnga nghawng (side-effects) a neih dan te, mihring taksaa  natna do theih danin a lo dawnsawn dan nen a inmil em tih te a ni. 

Russia ram President Putin-a fanu pakhat zawk vawi hnih chiuna atan he damdawi ‘Sputnik V’ hi hman anih chuan  Philippine  ram President Rodrigo Duterte chuan  Sputnik V hmanga inchiu ve ngei a duh thu a sawi. Tunkar Thawhțanni khan thu thar thehdarhtute hmaah thu sawiin, “he vaccine hi alo thlen chuan a enchhinna turin vantlang hmuh tura chiu hmasak ber nih ka ngam sak mai, " a ti. 

Thu dang sawi awm leh bawk chu, Russia hian hemi chungchangah hian thu ziak ( scientific articles) mipuite hmuh leh chhiar theih ( public domain) turin a la chhawp chhuak lo bawk a ni.

 *Vaccine hi COVID-19 natna hrik ti țaidarh vaktu a ni thei : Russian experts*

Russia ram virologist lar leh Head of Infectious Diseases, Vector Institute lo ni tawh Alexander Chepurnov  chuan he vaccine himna chungchang hi a pawimawh a, ngaihtuahawm tak a ni a, a hlauhawm theih dan chu "novel coronavirus  thehdarhna hmanraw țha tak a ni thei, " a ti. A sawi zel dan chuan "vaccine dik lo leh him lo chuan hri a belhchhah chiam thei a, chu chu natna țhenkhatah a fiahna kan hmu tawh a, novel coronavirus ngei pawh  hi chutiang chu a ni thei a ni, he vaccine ah hian eng ang natna do theihna (immunoglobulin) nge awm tih chiang taka hriat a țul a, zep chi a ni lo, " tih thu a sawi. 

*NOTE*
Russia vaccine "Sputnik V" hi hetiang dinhmun anih mek lai hian Khawthlang ram lam siam vaccine human test pal tlang vek erawh an peih har lutuk tawh lo ang.

Source :
Times of India
August 14, 2020
@ 12: 41 IST

Daily Mail
August 14, 2020

====16==08==20=
Huna Kawlvawm

Post a Comment

0 Comments