Eng tin Nge Kan IAS ve tehlul ang?

-Zirsangkima RamadaNineteen

August 7, 2020/ 5.55 a.m.

UPSC Results a rawn chhuak a. A hrâm peih peih an hrâm leh ta chuah chuah a. Mizo thalaite min dem rawn leh ta ta. A hrim hrimah, thawka phita "Mizo thalaite AIS (All Indian Service -- IAS, IPS, IFS) leh Central Service lamah tling in tlem ta lutuk!" min ti sek ho hi, dikna chen awm mah se, min vulha min châwm liantu, hêng tawngkam chhak chhuak sek ṭhintu--kan nu leh pa leh kan sorkar hrawn thinte hi inen let ve ngam rawh se...

An fate min enkawl dan te, kan rama zirna (education system) an lo kalpui tawh thin dan zawng zawngte nen hian inen let ngam ve se... Dik tak chuan UT zo lo ber hnam kan ni hial ang em aw. vawiin thlengin kan UT-nun kha kan nu leh pate hian in la than hnan tlat a. Financial year kan tih mai (end of March)-a buai chûk chûk pawh sim 'thiam lo' ah min chhuah chho ta zel a. Mi'n mamawha an hman thin sum hi nuam tawlna a nihzia in thanhnan kha, kha rilru kha min tuh tlat . Mizoram pum Chief Manager/bureaucrat nih pawh thiam lo sorkar hruaitu, 'lal hle policy'-a neih tum ringawt fate tan IAS kawng hi a la thui deuh a tin ni...

Kan sorkar hotu lu berin kan zirlai tithate a lawmpui tumin, Vanapa Hall-ah meuh "Ei-Bi-C...Jhei-Khei" tih vel a zirtir tha leh a nia--khawi lama IAS! IAS officer nih aia Mau/Rua chin hlawk zawka a sawi chhung chuan a zirlai (a zirlai alawm) tuin nge IAS nih chak ang a?

Lehkha kan zirlaiin '3 Idiots' film ang mai khan, tum min neih khalh daih zel a; kan pian hma atang tawhin! AIS-a inziah tlin tum hian kan zirna kawngah min khalh bik em le?

Entertainment khawvelah chuan kan chêng nasa ta viau hi a dik. Vaiho khu a nia, media nei tha a, Miss, lám thiam leh zai thiam thlan chu uar ni! A nihna takah chuan, kan value system min set saktu tur ber kan nu leh pate hi a ni lo'm ni, Cruz-a of Santa Barbara atanga Anurag-a min star-santu te kha? Prem-a chah chhuah tuten an fate tuna taka Miss/Idol/icon in lawm min tih leh tak si hi eng nge awmzia? Nangni ber kan entawn loh che u ten! Chakma pa em ni kan entawn ang a? 

Tin, "Chakma pawh an tling thei a…" min tih khum leh si te hi, dawn fé tham. Pu Hriata Chhangte sawi dan takin, "Kei chu Chakma Chief Secretary neih te hi asin ka chak!" a tih hi ka pawmzawng a ni tlat! Heti zawnga ngaihtuah chuan : Mizo leh Mizo, Kristian ve ve, CM/Minister leh CS/Secretary/Commissioner inkawp thin hi, a fuh mah mah a, an thawk dun thiam mah mah thin a, ramin hma a sawn theih loh phah hial khawpin an thawk dun thiam thin vang a nia, khi thu khi a sawi ni! 

Dik tak chuan tuna kan CS te hi, Hindu kulmuk ram Gujarat state siam thatu zinga hna a thawh thatziate kha. Narendra Modi-a ti-Modi tu ber a zuk nih kha... Hindu pa a'n thawhpui meuh chuan 'Kristian takin hna tha leh ropui' a zuk thawk thei a. Kristian CM/Minister te nen an han thawkho ta a, thenkhatin 'CM Spokesman' ang chauha an lo chhuahte hi ... ngaihtuah chian chuan na deuh a nia! 

Sawi tur ka ngah si. A thui zel dawn e. Ka sawi tum ber zawka chu, THAWKA PHITAH THALAITE HI MIN DEM RENG BIK TEH SUH U. Ka lawm e.

(He thu ziaktu hi ziakmi leh zirtirtu,  mathetics leh science a thiam vanga hriat lar, zirlaite puitu tur Lehkhabu hial chhuah tawh a ni a. Zirna kaihhnawih bakah lehkhabu dang, Ramda 19 bakah 2 lehkhabu pawh a lo chhuah tawh a  ni.)