Aizawl | August 10, 2020: BJP Mizoram Pradesh state President Vanlalhmuaka chuan vawiin khan thuthar thehdarhtute hma-ah, "Election apianga kan buaina- 'Tripura Refugee Camp a kan Bru unau te chungchang,' Tripura state a an awm hlenna tura Central sorkar, Pu Modia kaihhruai, BJP Sorkarin min tih fel sak hnu pawh a, tun VC/LC election lo awm tura an hming lo lang leh ta mai hi kan state sorkar chak lohnaah BJP Mizoram Pradesh chuan kan ngai," a ti a. - exploremizoram.com
"Kan CM Pu Zoramthanga kaihhruai sorkar hian Bru-te Refugee camp atanga Tripura state a awm tura tih fel tawhte hi Mizoram electoral roll atang hian a rang lamin chingfel thuai rawh se," a ti bawk.
BJP Mizoram president Vanlalhmuaka chuan, "Kan hriat theuh angin Covid-19 hripui darh nasat chho mek avanga kan Pathian Biak Inkhawm te, Chhiatni leh Thatni a kalkhawm thei zat bituk kan siam mek laite, Independence Day lawmna parade & Governor at home neih loh kan rel mek lai te, Zirna in zawng zawngte pawh kan chhun zawm theih loh lai leh a bikin Aizawl veng tam takah Total Lockdown Covid-19 hri community Spread laka kan invenna atana kan inpuanchhawk mek laia Village Council leh Local Council General Election nei tura Mizoramah State Election Commission leh Mizoram State sorkar a inbuatsaih mai hi BJP Mizoram Pradesh chuan tha lo leh hun lo kan ti hle," a ti.
"India rama state tam tak local body election nei tur ho pawhin an neih ngam loh laia hetiang zawnga hmalak hi kan ramah chhiatna nasa zawk thlentu a nih mai a hlauhawm hle a. BJP- Mizoram Pradesh chu a ngaih a ngam zan lo va; Covid-19 hripui kai hlauhna avangin mipuite pawh vote thlak tura an chhuah hreh mai kan hlauh rualin, kan khawtlang hriselna a tihderthawn zual phah ang tih hi kan hlau hle a ni. BJP-Mizoram Pradesh chuan Mizoram state sorkar leh State Election Commission chu he thuthlukna siam tawh hi ngaihtuah nawn turin Media kaltlangin kan ngen a ni." a ti bawk. - exploremizoram.com
"VC leh LC election fel fai tak leh hlawhtling tak a awm theih ngei chu kan tawngtaina a nih rualin, engvang pawh a kan tum loh zawk – thil tha lo a thleng palh a nih chuan kan state sorkar leh election buatsaihtute (State Election Commission) mawh liau liau a ni ang tih hi BJP-Mizoram Pradesh ngaihdan nghet tlat a ni," a ti bawk. - exploremizoram.com
Leh lama mipui pun khawm leh SOP zawm tur khauh tak kan duan laia, a leh lama VC/LC grassroot democratic election buatsaih tlat mai chu BJP- Mizoram Pradesh chuan hriat thiam har an tih thu sawiin, he mi phenah hian state sorkar lai ruling party a inrawlh em tih hi Mizoram mipuite thinlungah zawhna lian tak a awm ngei BJP chuan an rin tlat thu leh, VC/LC election -2020 buatsaih a nih dan hi uluk taka zirchiang tur inruatin, BJP Mizoram Pradesh chuan an hmuh dan chu Mizoram Governor kaltlangin Ministry of Home Affairs, Govt of India ah leh Mizoram State Election Commission ah a rang lama thlen an tum tih BJP Mizoram President chuan a sawi bawk.
BJP Mizoram President chuan, Mizoram chhunga VC/LC ten Central atanga an sum hman tur lo kal pawh VC/LC ten hnathawh nan an hmang em tih te, a thlenna tur a thleng em tih te, Nge state a rulling party worker te tih lawm nan leh an party worker zawn nan mai an hmang em tihte hi BJP chuan an vil reng dawn tih sawiin, Hemi kawngah hian chak zawka Mizo te leh Mizoram mipuite tan BJP in hma an lak theih nan mitin te thawhpuiah a sawm a. - exploremizoram.com
"VC/LC election -2020 hi “New Mizoram and Strong Mizoram” dinna atan lungphum pawimawh takah chang se tih hi BJP chuan kan duhthusam a ni," a ti bawk.
- H Zate
Founder/Editor
Explore Mizoram
(A hnuaia fakna hi lo hmet ve rawh.)
(A hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: