Datrkar 48 chhungin hri vei pariat hmuchhuak

Kolasib |  August 24, 2020: Kar hmasa Zirtawp zan aṭanga nizan tlai dar 5 inkar, darkar 48 chhungin Vairengte screening point-ah Covid vei mi 8 hmuhchhuah an ni a, natna langchhuak pakhat a awm.

District bawrhsap Dr H Lalthlangliana hnen aṭanga thudawn danin positive an hmuhchhuah te hi hnamdang vek niin Mizoram-a bungraw rawn phurh luh tum driver te an ni. Zirtawpni tlai leh Inrinni tlai inkar khan mi 400 te hriselna dinhmun hi enfiah zingah mi 6 chu positive an ni tih hriatchhuah niin 1 hi natna langchhuak a ni. Inrinni tlai aṭanga nizan tlai thleng khan 352 te enfiah leh niin an zinga 2 te chu positive tih hmuhchhuah a ni leh bawk.

Tun thla August 10 a Vairengte-ah RAT (Antigen) kalpui a nih aṭangin Mizoram-a rawn luh tum mi 6324 te dinhmun hi enfiah tawh a ni a, heng zingah hian mi 93 te chu positive an ni. Enfiah te hi Mizo 388 leh hnamdang 5936 an ni a, positive hmuhchhuah zingah Mizo 2 awmin symptom nei hi pakhat chauh a la awm.


Post a Comment

0 Comments