COVID-19 vei enkawl dam 13 chhuahtir; Sample laksakte zawm tur dan zam

Aizawl | August 13, 2020: Vawiin chawhnu khan Beraw CCC, Aizawl atangin COVID-19 vei enkawl dam 13 an chhuah tir.

Heng dam tawhte hi civil mi pathum, sipai chhuti lo haw pakhat, NDRF pahnih leh BSF mi leh sa pasarih an ni.


Health & Family Welfare Department Secretary H Lalengmawia chuan,  COVID-19 test tura swab sample laksakte zawm tur  thupek a chhuah a,  thupek ang chuan,
  • Mi tupawh Covid-19 test tura Swab sample laksak te chu an result a chhuah hma chuan an inkhunghrang tur a ni a, an inkhunghranna hmun an chhuahsan tur a ni lo.
  • An test result chhuah hnuah sawrkar-in inkaihhruaina a lo siam tawh chu an zawm ngei tur a ni.
  • Quarantine lai te chu an result a negative a nih pawhin an quarantine hun tura ruat an hmang zo ngei tur a ni.


COVID-19 hrileng laka mipui him tlan zawk nan Mizoram sawrkar hmalakna kal zelah hetiang ruahmanna hi siam a ni

Post a Comment

0 Comments