COVID 19: Positive 55 hmuhchhuah belh; Hri vei mek 215

Aizawl | August 2, 2020: Mizoram chhunga  COVID 19 Positive chuan kiam lam pan ṭhin mahse vei thar an awm zel avangin nimin khan positive mek 215 an tling tawh. Nimin khan positive 55 hmuhchhuah thar a ni. Heng zinga 54 hi Zoram Medical College (ZMC) aṭanga hmuhchhuah niin, pakhati hi Civil Hospital Lunglei aṭanga hmuhchhuah a ni.


Mizoram chhunga positive hmuhchhuah tawh zawng zawng hi mi 468 niin, dam tawh 253 an awm a, hri vei mek 215 an awm a ni.

Nimin khan ZMC-ah sample 194 test niin +ve 54 hmuh a ni. 46 hi force (BSF,CRPF&AR), state dang atanga lo kir, ZMC-a admit sa 2 leh qc a awm 44 an ni. Civil mi +ve pariat hmuhchhuah niin,  mipa pasarih leh hmeichhia pakhat an ni. Heng mite hi hi Aizawl dist. mi an ni a. Pahnih hi COVID 19 +ve contact atanga kai niin a dang 6 te hi state pawn atanga lo haw niin quarantine centre a awm an ni.

ZMC-a sample test dan:
Aizawl 51
Serchhip 9
BSF 92
CRPF 28
AR 7
ZMC patient 7

Rapid Antigen Test hmangin Serchhipah mi 1, Lengpui Airport-ah mi 2 leh ZMC-ah mi 4 test niin an negative vek a ni.


Nimin vek khan Civil Hospital Lunglei TrueNat RT-PCR ah Sample 28 test a ni a. Positive thar  pakhat hmuh a ni.

Positive hmuhchhuah thar hi mipa kum 58 BSF, Vanhne a quarantine lai Bihar atanga lo haw asymptomatic a ni.




(A hnuaia fakna hi lo hmet ve rawh.)

Post a Comment

0 Comments