COVID 19: Hri vei 14 hmuh belh; Hri vei enkawl lai mi 503 tling tawh!

Aizawl | August 26, 2020: Nimin khan COVID-19 positive 14 hmuhchhuah a ni. Hei hi tukin zing dar 7 thlenga report atanga a lan dan a ni a. Hri vei enkawl mek hi mi 503 an ni ta a ni. 

Sawrkar tarlan danin, heng hri vei te hi ZMC atangin mi 10 hmuhchhhuah an ni a, heng zinga panga hi Aizawl district niin, Pathum hi Mamit district an ni a, Serchhip district mi pahnih an awm bawk.

RAT atangin mi pali hmuh an ni a, Pathum hi Kolasib district niin state pawn lam mi an ni a, Aizawl district atangin mi pakhat a awm a, travel history nei lo  a ni.

Hetihlai hian Lunglei Truenat sample 24 test erawh vanneih thlak takin a negative vek a ni.

RAT hmanga hmuhchhuah College Veng mipa 1, kum 42 mi hi tualchhunga kai, zinchhuahna nei lo a ni a. Amah hi frontliner LLTF member a ni.

ZMC lab-a positive hmuhchhuah te hi mipa 7, hmeichhia 3, kum 24-46 an ni a. Quarantine centre a awm lai vek an ni a; Karnataka, West Bengal, Assam leh Goa atanga lo kir te an ni.


 

Hri vei hmuhchhuah tawh hrim hrim hi 967 niin, Mipa 786 an ni a, Hmeichhia hi 167 an ni bawk. Hri vei mek hi 503 niin, enkawl dam tawh mi 464 an ni thung.

Hri vei enkawl mek hi Aizawl district ah tam berin mi 316 an ni a, Kolasib in dawtin 133 an ni a, Lunglei ah 25 awmin, Lawngtlai-ah 10 an awm a, Serchhip ah paruk an awm a, Champhai ah pathum, Hnahthial-ah pahnih awmin, mamit-ah panga an awm a,  Siaha district-in pakhat a nei bawk.


 

Nimin tlai dar 5 thlenga reporta a lan dan chuan, Hri vei mek zingah hian Civil mi/Frontline workers mi 194 an awm a, hri vei mekte atanga tehin 39.67% an tling a, Army/Paramilitary atangin mi 172 awmin, 35.17% an ni a, BSF in ngah berin 131 an awm mek a, Assam Rifles in 37 an nei a, Indian Army-ah pathum an awm bakah CRPF ah pakhat a awm bawk. Truck driver leh handyman mi 123 awm mekin an ni hi 25.15% an ni bawk.





(Website leh a hnuaia fakna hi lo hmet ve rawh.)

Post a Comment

0 Comments