Aug 19, 2020: US chuan India hnenah COVID-19 hri dona turin ventilator 100 vawiin Nilaini hian a pe, hei hi a thawh hnihna a ni a, a vawi khatna chu June thla khan 100 bawk a lo pe tawh a ni. Heng ventilator khawl te hi All India Institute of Medical Sciences Regional pariatah COVID-19 dam lo enkawlna atan hman a ni.
US ambassador to India, Ken Juster chuan heng ventilator te hi President Trump-an India hnenah a thu tiam tawh tih puitlinna tura pek anih thu leh US-India țhian țha anih vanga pe a ni tih a sawi. Hri puiin US ang bawka India ram chu a nuai nat avangin he hri kai te nun chhan chhuahna tur leh India ramin țangkai taka hri dona atan pek ani tih a sawi
US Sorkar chuan a thawh hnihna atan vawiin Nilaini hian India tan ventilator 100 a pek chu a hlan a ni. US siam ventilator hi a zangkhaiin a hman vel a awlsam a, chumi avang chuan dam lo enkawlna atan hun sawn/dah sawn vel pawh a awlsam a ni. Ventilator bakah hian US Agency for International Development (USAID) chuan heng khawl te hi a chhiat pawha siam țhat zelna tur, thlak ngai a awm pawh a thlakna tur sum an tum zel theih turin thu an delhkilh nghal bawk a ni.
US ambassador Ken Juster chuan , “India hnenah, hri an dona kawnga tha kan thawh ve thei hi kan lawm hle a, heti hian ventilator hlawm hnu hnung zawng 100 pawh a a hmasa zawk ang tho a țangkai taka hman anih kan beisei. Heng hi President Donald Trump-an India hnena a intiamna leh hri an dona kawng a hma lakna a ni," a ti.
US rama țanpuitu pawl USAID te chuan India ram chhunga damdawi hmanga in enkawlna (healthcare system) ti changtlung leh chawi kang turin state tam takah hma a la mek reng a, chu chuan hri pui laka an phurrit tam tak pawh a chhawk zangkhai a ni . Tun August thla thleng hian chutiang țanpuina chu India ram mihring nuai 30 chuang ten USAID țanpuina hi an chhawr țangkai a ni tih US embassy thu chhuah chuan a sawi.
USAID te hian India ram chhungah hian health worker turin mi 40,700 training an buatsaih tawh a, chung te chu Covid-19 laka invenna leh hriselna atan thil țul zual bik te zirtir leh hri kai darh zel tur vennaa midang kaihhruai thei an ni. Heng bakah hian hri do hma țawng mi 46,000 te chu inven fimkhur dan tur an zirtir bawk a, mi 950 te hnenah healthcare facilities a ruahman sak bawk a ni. Heng mite hian mihring inhlata awm dan te, hri kai lo tura midang zirtir, dam lo enkawl leh vilvan hna te an thawk a ni.
Source :
Hindustan Times
August 19, 2020
@ 19:02 IST
===19==08==20==
Huna Kawlni Kawlvawm
Post a Comment
He post chungchanga i ngaihdan lo sawi ve rawh: