Counting Hall chhehvel-ah mipui punkhawm khap

Aizawl | August 26, 2020: Kolasib bawrhsap chuan VC inthlan-ah mipui him zawk nan vote chhiar laiin vote chhiarna - counting hall chhehvel-ah mipui punkhawm khapin, mi panga aia tam punkhawm a khap.

Vote chhiarna Counting Hall atanga 100 ft. huam chhung ah mi 5 aia tam punkhawm phal khap a ni a, Hei hian vote chhiar tan ni August 27 zan dar 7 atanga a tuk August 28 zing dar 5 thleng emaw vote chhiar zawh thleng a huam dawn a ni.

Thupek zawm lote chu Disaster Management Act, 2005 leh Mizoram (Containment and Prevention of Covid-19) Ordinance, 2020 hmanga hrem an ni dawn a ni.

He thupek hian Polling party, Candidate leh Counting Agent, VLTF leh MPF duty, Security duty, Chanchinbumi hemi atana a bika phalna pekte leh Magistrate in phalna an pek te chu a huam dawn lo a ni.

Kolasib District chhung Village Council inthlanna-a vote tlate hi August 27 zan dar 7 atangin a rualin Counting Hall hrang hrangah an chhiar tan dawn a. Election Result hi khawchhung mipuite tan a hriat theih turin a khat tawk a aurinna hmang a puan reng tur a ni.

Post a Comment

He post chungchanga i ngaihdan lo sawi ve rawh:

Previous Post Next Post