Bawrhsapin Ramhlun South leh Chaltlang Lily Veng tlawhpawh khap

Aizawl | August 26, 2020: Hripui leng mek hi mipui-ah a darh nia hriat vangin Aizawl bawrhsap chuan Ramhlun South leh Chaltlang Lily Veng huam chhung chu tlawhpawh phal lohna hmun-ah puangin thu leh awm hma chu tlawhpawh a khap.

Hripui leng mek hi tunhnai hian Ramhlun South leh Chaltlang Lily Veng huam chhungah mipui zingah a darh tih hriat a ni a. Mipui him zawk nan Regulation 11 (1) (b) of 'The Mizoram Epidemic Diseases (COVID-19) Regulations, 2020' behchhanin Ramhlun South leh Chaltlang Lily Veng Local Council Area hi Aizawl bawrhsapin  'Containment Area' ah a puang ta a ni.

Sawrkar thuchhuah tarlan danin, Containment Area chhungah hian Aizawl District Deputy Commissioner in a phalna a pek, Medical leh Security Duty te tihloh chu tumah luh leh chhuah phal a ni lo.

Tlawhpawh khap a nih chhung hian Containment Management & Active Surveillance Team ten a tul angin surveillance te neiin hma an la chhunzawm dawn a ni.

Post a Comment

0 Comments