Central Cabinet-in Common Eligibility Test buatsaihtu tur National Recruitment Agency din tura rawtna a pawm

AUG 19, 2020: Cabinet chuan Sorkar laipui hnuaia hnaruak hnawh khahna tur atana reform siamna kawng sialtu tur National Recruitment Agency (NRA) dinna tur a pawm a.

NRA: Test level hmasa ber buatsaihtu Staff Selection Commission (SSC), Railway Recruitment Boards (RRBs) leh Institute of Banking Service Personnel (IBSPS) te fun khawmtu tur Multi-Agency Body a ni.

Common eligibility Test (CET) hmang hian SSC, RRBs leh IBPS atan first level angin candidate-te screen an ni ang.

CET: Graduate, Higher Secondary (12th pass) leh Matriculate (10th pass) candidate-te tana computer based online Common Eligibility Test (CET) a ni.

District tinah CET: Thingtlang khua a cheng thalai, hmeichhia leh candidate zinga dinhmun harsa zawkte tana awlsam zawk tur ngaihtuah chunga ruahman a ni.

CET: Awlsamna thlen tura Aspirational District a Test Centre din tum a ni.

CET: Inkairual taka recruitment kalphung siam tum a ni.

CET hmanga a hrang hrang a Exam tih tawp

NRA hmang a CET: Kalphung fello titawp tura nasa zawk a ICT hman tangkai

CET: Eligible candidate te thlitfimna atana stage hmasa ber a screening

Hnalak kalpui hun chhung pawh tawina atan CET

Thingtlang khua a cheng thalaite tan NRA in Mock Test a buatsaih ang

NRA hian mock test a buatsaih thinang a, 24x7 helpline leh harsatna thlenna tur leh sutkianna tur portal a nei bawk ang

Prime Minister Pu Narendra Modi-a kaihhruaina a Union Cabinet thukhawm chuan Sorkar laipui hnuaia hnaruak hnawhkhahna kalpuina a reform siamna tur atana kawng sialtu tur National Recruitment Agency (NRA) din tura ruahmanna chu a pawm a ni.

Hnalak dan kalphung siamthatna - Thalaite tana thil tha tak

Tundinhmunah hian sorkar hna diltu candidate-te hian dil thei tur eligibility condition in ang teuh pawh nise post hrang hrang atan recruiting agency hrang hrang buatsaih examination hran teuh an pek a ngai thin a. Candidate-te hian recruiting agency hrang hrang hnenah fee an pek thin a ngaih bakah exam hrang hrang pe tur hian hmun hla takah an kal a ngai thin a. Heng hna lakna atana exam-te hi candidate-te tan a hautakin hna latu lam tan pawh thil buaithlak tak a ni a. Sum sen thuah a ngaih thin bakah dan, inkaihhruai leh venhimna lam leh exam hmun hma thlengin harsatna a awm thin a. A tlangpui thu a lakin heng examination ah hian candidate vaibelchhe 2.5 atang a vaibelchhe 3 an awm thin a ni. Common eligibility Test hian candidate te tan examination level sang zawk pe thei turin recruitment agency hrang hrang buatsaih exam  hi tum khat a a zavai a pek emaw duh chin pek theihna kawng a rawn siam sak dawn a. He hmalakna hian candidate-te hi nasa takin a tizangkhai dawn a ni.

National Recruitment Agency (NRA)

National Recruitment Agency (NRA) hi multi-agency body ang a ruahman a ni a. NRA hian Common Eligibility Test (CET) hmangin Group B leh C (non-technical) post atana candidate-te a thlifim/shortlist dawn a. NRA hian Ministry of Railways, Ministry of Finance/Department of Financial Services, SSC, RRB leh IBPS atangin representative a nei ang a. Ruahman ang chuan NRA hi technology changkang zawk leh kalphung tha ber hmanga Sorkar laipui hnalakna a thil tha thlentu tur specialist body a ni.

Examination Centre kalphung

Ram chhung District tina examination centre din hian hmun kilkhawr zawk a awm candidate te tan nasa takin awlsamna a thlen dawn a. Aspirational District 117 a examination infrastructure siam chu ngaih pawimawh bik a ni dawn a, hei hi a chheh vel a cheng candidate te'n an chhawr hle tura beisei a ni a. Sum senso, tha sen, himna leh thildangah te hmalakna hian zangkhaina a thlen dawn a. Ruahmanna hian thingtlang khua a cheng candidate te tan chauhlo pawh tangkaina dang tam tak a nei thei dawn a. Thingtlang khaw mite leh hmun kilkhawr zawng a chengte'n exam pek an in huam phah dawn avangin Sorkar laipui hnaah huang zau zawkin an inhnawh lut thei ang a. Mipuite tana  hna dil theih dah hnaih hi thalaite tana nasa taka awlsamna thlen tu tur a ni.

Candidate retheite tana zangkhaina

Tundinhmunah hian candidate te hian agency hrang hrang buatsaihah exam hrang hrang an pek a ngai a. Examination fee piahlamah candidate-te hian zin veivah, innghahna, thlenna leh thildangahte an in sen belh a ngai thin a. Exam pakhat hian candidate te tan hian sum lama phurrit nasa takin a titlem dawn a ni.

Hmeichhe candidate-te'n nasa takin an chhawr tanglai dawn

Hmeichhe candidate, a bik takin thingtlang khua a cheng te'n exam hrang hrang pek ngai thinah hian harsatna an tawk fo thin a; exam pekna hmun hi a hlat thin avangin an veivahna tur lirthei leh thlenna tur zawn an tan a buaithlak thin a ni. Heng centre te hi an hlat thin avangin kalpui tutur an mamawh chang a awm fova. District tina test centre din hi thingtlang khua a cheng candidate te bakah a bik takin hmeichhe candidate-te'n an chhawr tangkai hle dawn a ni.

Thingtlang atang a candidate te tana hlawkna

Sum lam leh thil danga harsatna an neih thin avangin thingtlang atanga candidate-te hian exam pek tur an thlan a ngai thin a. NRA hnuaiah chuan candidate-te hian exam pakhat chauh pein post tam tak an dil thei tawh dawn a. NRA hian selection tihna tur tam tak atan bul tanna angin  first-level/Tier I exam a buatsaih dawn a ni.

CET Score chu kum thum chhung atan a nung ang a, pe nawn duh tan a pek nawn theih ang

Candidate-te'n CET score an neih chu result puan atang a kum thum chhung atan a nung ang a. Score pawm theih atanga a sang ber chu candidate te score ang a chhiar a ni ang a. Candidate-te'n kum bithliah chin an pelh hma chu CET pek theih zat bituk a ni dawn lova. Kum bithliah chinah hian SC/ST/OBC leh category dang candidate-te tan Sorkar kalphung angin relaxation siam a ni ang. He hmalakna hi kum tina exam pek a ngaih vanga  candidate-te'n sum, hun leh inbuatsaihna atana tha leh zung seng a harsatna an tawh thin nasa takin a chhawmdawl dawn a ni.

Standardised Testing

NRA hian tundinhmun a Staff Selection Commission (SSC), Railway Recruitment Boards (RRBs) leh Institute of Banking Personnel Selection (IBPS) in a buatsaih thin non-technical posts atan graduate, higher secondary (12th pass) leh matriculate (10th pass) candidate te tan level thum angin CET hran teuh a buatsaih thin dawn a. CET score level hmanga screen tih zawhah recruitment atana final selection chu specialised Tiers (II, III etc) examination hran hmangin tih a ni ang a. Hei hi recruitment agency teuhte'n an buatsaih thung dawn a. He test atan hian curriculum in ang hman tur a ni a. He hmalakna hian candidate tundinhmuna exam hrang hrang atana curriculum hrang hrang hmanga inbuatsaih ngaite a chhawk zangkhai hle dawn a ni.

Test hun bithliah leh Centre thlan chungchang

Candidate te chu common portal ah in register in centre pawh an thlang thei dawn a. Centre a hmun ruak a awm leh awmloh dan a zirin centre hi pek an ni ang a. He hmalakna hian a tum bet chu an centre duhthlanna ngei a test pe thei tura candidate-te siam a ni.

NRA HMALAKNA A OUTREACH ACTIVITIES

Tawng hrang hrang hman

CET hi tawng hrang hrang hmang a pek theih a ni dawn a. He ruahmanna hi ram chhung hmun hrang hrang  a  exam pek tumte'n an chhawr hle dawn a, hna hmuh kawngah pawh rual khaina a siam dawn a ni.

Scores- recruitment agency hrang hrangah kawng a hawng dawn

Bul tanna atan recruitment agency lian pathumtr hian scores hi an hmang phawt ang a. Hun lo kal zel turah erawh Sorkar laipui hnuaia recruitment agency dangte pawhin an la hmang chhunzawm ve dawn a. Chubakah chuan Sorkar agency-te mai bakah private te pawhin an duh chuan an la hmang ve thei dawn a ni. Hetiang anih avang hian CET score hi Sorkar laipui, State sorkar/Union Territory-te, Public Sector Undertaking leh Private Sector-te hnenah nakinah chuan la pek chhuah a ni dawn a. He ruahmanna hian hna lak dawna organisation tana sum insenso leh tha leh zung sen ral tam lutuk tur a la chhawk thei dawn a ni.

Hna lak zawhfel hun chhung a pawt tawi dawn

Eligibility test vawikhat neih hian hna lak fel hun chhung rei tak thin a titawi dawn a. Department thenkhat chuan test level hnihna titawp a, recruitment hi CET score, Physical Test leh Medical examination hmang a kalpui mai an duh thu an sawi a. Hei hian hna lak zawhfel hun chhung a tihtawi dawn bakah thalai tam takin an chhawr tangkai hle dawn a ni.

Sum ruahmanna

Sorkar chuan National Recruitment Agency (NRA) atan hian cheng vaibelchhe 1517.57 a sanctioned a. Sum ruahman hi kum thum chhung a hman tura tih a ni a. NRA dinna atana hman a nih dawn bakah Aspirational District 117 a examination infrastructure siamna atana hman a ni dawn a ni.

Post a Comment

0 Comments