Aizawl | August 18, 2020: Bharatiya Janata Party Mizoram Preadesh chuan vawiin khan State Election Commission hnenah August 27-a Mizoram chhunga Local Council leh Village council inthlan lo awm tura ruahman tawh chu ngaihgtuah thaa sawn turin an ngen.
He ngenna hi BJP Mizoram president Vanlalhmuaka chuan a thehlut a, Hripui vei an pun zel vang leh hri darh zel vanga mipui him zawk nan VC inthlan chu sawn hla turin a ngen a ni.
Sawi tawh angin, August 27 khian Aizawl District, Champhai District, Hnahthial District, Khawzawl District, Kolasib District, Lunglei District, Mamit District, Saitual District leh Serchhip District-ah te VC inthlan tur a ni a, Aizawl Municipal Area huam chhungah Local Council thlan a ni dawn bawk a ni.
Mizoram State Election Commissioner hnena ziaka ngenna thehluh ah hian Pu Hmuaka chuan Covid 19 hrileng in zual lam a pan a, Community Spread a awm mek lai leh Mizoram Sorkar pawh in Lockdown a puan chhunzawm hial angaih leh tak avangin, VC leh Local Council District hrang hranga neihtur a tih tawh chu Opposition Party thenkhat pawhin sawn an duh thu an puang tawh bawk.
Chuvangin khawvel pawhin he hripui a buaipui mek lai leh mipui pawn chhuak lo leh awmkhawm lo tur a zirtir na a awm mek lai a, inthlan buatsaih anih chuan hri inkaidarh a awlsam hle dawn a, chuvangin BJP Mizoram Pradesh chuan VC leh LC inthlan hun hi sawn anih ngei theihna turin Mizoram State Election Commissioner ah ziakin an thlen leh ta a ni.
Inthlan hun sawn anih theihna turin Mizoram Governor hnenah pawh ngenpui tura sawmna an thlen tawh bawk a, Inthlan hlawhtling leh mi tam zawkin Vote an thlak theihnan leh inthlan felfai a awm theih nan inthlan hun hi sawn ngei atha BJP Mizoram Pradesh chuan an tih avangin BJP Mizoram Pradesh President Pu Vanlalhmuaka chuan ngenna hi a thehlut a ni.
Post a Comment
He post chungchanga i ngaihdan lo sawi ve rawh: