US SUPERCARRIERS NIMITZ LEH INDIAN NAVY TEN INDO NUNCHAN AN ZIR DUN DAWN

Aizawl |July 20, 2020: US navy aircraft CARRIER a hming USS Nimitz  South China Sea lama China inluling lutuk vau dai tur lo haw thla lam chu Indian Navy indo lawng te nen Indian ocean ah indo nunchan an zirho dawn. Hemi zawh hian Middle East ah ral veng turin a awm rih ang. India leh China Ladakh lama an boruak sosan lai anih avangin China tan chuan thu lawmawm a ni lo tawp ang.

 South China Sea ah hian tun thla bul lam ațanga khan  US Navy te hian USS Nimitz leh  USS Ronald Reagan hmangin  indo nunchan an han zir a ni . “ India Navy te nen indo nunchan an zirna Andamans and Nicobar Islands bul hnai lamah a ni. Hemi hnu hian Arab ram chhehvelah ral an veng zui ang" tih thu senior government official chuan a sawi.



 Indian Navy, Eastern Fleet te hian tunah hian   Andaman and Nicobar Islands kiang tuipuiah indo nunchan an zir mek a ni. 


Ram pahnih US leh India Navy te hian hetianga indo nunchan an zir dunna hi ram pahnih te thawhhona țha chhunzawmna entirna a ni. 


“Hetianga indo nunchan zir hi hun remchang a awm dan anga kalpui țhin a ni a, hemi bakah hian  ruat  lawk sa a awm bawk. Malabar exercise hi kumin kum tawp lamah hian India leh a țhian hnai, a aihnah phahpui ram ten indo nunchan an zir ang," tih thu naval affairs expert Captain DK Sharma (retd) chuan a sawi. 

Tuna US supercarriers nen indo nunchan zir hi  official lam chuan engmah an sawi lo thung. 


Source :

July 20, 2020 
@ 13:51 IST

====20==07==20=
Huna Kawlvawm

Post a Comment

0 Comments