Sawrkarin IAS te awmna siksawi; Aizawl DC thar atan R Lalramnghaka

Aizawl | July 14, 2020: Mizoram sawrkar chuan vawiin khan thuchhuah siamin IAS ṭhenkhat awmna a siksawiin a sawn a, Aizawl DC ni lai Vanlalngaihsaka chu sawnin DC thar atan R Lalramnghaka ruat a ni.



Aizawl DC ni lai Vanlalngaihsaka chu Food, Civil Supplies & Consumer Affairs Department ah sawn niin secretary a ni dawn a, R Lalramnghaka Land Revenue & Settlement deptt hnuaia special secretary ni lai chu Aizawl DC a ni thung ang.

Food, Civil Supplies & Consumer Affairs Department a Commissioner & secretary ni lai HL Rochungnunga chu Social Welfare & Tribal Affairs deptt ah Commissioner & secretary atan dah a ni a, a ni hian R Zarzosanga a thlak dawn a. R Zarzosanga hi Lan Revenue and Settlement deptt ah secretary atan dah a ni bawk.

Mizoram Governor chuan Mizoram sawrkar hnuaia IAS te awmna siksawina hi vawiin khan a tichhuak a ni.

Post a Comment

He post chungchanga i ngaihdan lo sawi ve rawh:

Previous Post Next Post