A bo atang hian nung chunga hmuh leh inring tawh lo mahse beidawng lovin ngawrh takin an zawng nghal char char a, dil chhak lampangah a ruang hi a rawn lang chhuak niin a hmu tute chuan an sawi.
Glee star hi a bo atanga ni ruk na ah a ruang hi an hmu a , Naya Rivera a ni ngei a ni tih pawh an confirm tawh a ni .
Ventura county Sheriff Bill Ayub chuan " Rivera hian a fapa a chhan na lamah a chakna zawng zawng a hmang zo veka , a fapa chhanchhuak mahse amah erawh a in chhanchhuak zo ve ta lo a ni, " tiin news conference ah a sawi .
Naya fapa chuan anu nen hian tui an cheng dun a , lawnga a awm hnu ah a hawi let leh chuan a nu erawh a lo bo daih tawh thu investigator te bulah a hrilh a ni .
Glee star hi Ventura County lamah endik tura lak a ni tawh a ni .
Actress, singer leh nu tha tak hetianga a liam ta mai hi mi thenkhat chuan Glee star a nih vang tih te in an sawi hial .
(Mark , Naya and Cory)
Glee star te hi mak tak tak a thi an awm tak nual avang hian 'Glee curse, ' tih te pawhin an sawi nghe nghe.
Kum sarih liamta kum 2013 khan Glee star Cory Monteith chu drug OD vangin Vancouver -a a hotel thlenna room ah thi a chhar a lo ni tawh a.
(Mark and Naya)
Glee star tho Noah Puckerman lema chang Mark Wayne Salling pawh child pornography avangin Kum 2015 khan man a ni a , a hnu lawk january 30, 2018 khan a in bulah mahni inti hlum (inawk hlum) a hmuh a ni.
Mark Salling hi Naya Rivera nen 2007- 2010 thleng an lo inkawp ve tawh nghe nghe.
Columnist, Explore Mizoram
Post a Comment
He post chungchanga i ngaihdan lo sawi ve rawh: