Naktuk-ah PM in High-Throughput COVID-19 testing facilities a hawng dawn

July 26, 2020: Prime Minister Narendra Modi chuan high throughput COVID-19 testing facilities chu naktuk hian video conferencing hmangin a hawng dawn. 

Heng facility-te hian ramchhung a test kalpui a tihchak dawn bakah hri kai hmuhchhuah hma leh enkawlna lam a pui dawn bawk a. Hei hian hridarh tur a veng dawn a ni.

Heng high-throughput testing facility pathumte hi awmze nei takin ICMR-National Institute of Cancer Prevention and Research, Noida; ICMR-National Institute for Research in Reproductive  Health, Mumbai; leh ICMR-National Institute of Cholera and Enteric Diseases, Kolkata ah bun a ni a; nikhat chhungin sample 10,000 chuang test theih a ni dawn a. Heng lab-te hian turn-around-time a tih hniam dawn bakah lab hnathawktute'n bungrua leh an hnathawhna atanga hri an kai tur a veng dawn a. Lab-te hian COVID bakah natna hrik dang pawh an test thei ang a; hripui leng reh hunah Hepatitis B leh C, HIV, Mytomegalovirus, Chlamydia, Neisseria, Dengue leh natna hrik dang enfiahna atan a hman a ni ang.

Union Minister for Health & Family Welfare leh Science & Technology bakah Maharastra, West Bengal leh Uttar Pradesh Chief Minister-te chu he hunah hian an tel dawn a ni.

Post a Comment

0 Comments