MZU hnuaia Psychologist-te lirnghing tuar thlabarte hnem turin fehchhuak

Aizawl | July 09, 2020: Mizoram Sawrkhar ruahman angin Mizoram University hnuaia Department of Clinical Psychology kaihhruaina in Psychologist leh Clinical psychologist mi 37 zet chu Group 7 ah insiamin, Champhai South AC leh East Tuipui AC huam chhunga khua zawng zawng leh Biate (Hrangturzo AC)-a Lirnghing hlauh vanga mahni in ah pawh riak ngamlo te thlamuan a Psychological Diagnosis, Support & Guidance pe turin tukin khan Aizawl an chhuahsan a. Prof Zokaitluangi, HoD, Department of Clinical Psychology, Mizoram University kaihhruaina hnuaiah mipuite dinhmun zir chianga tanpui turin a tul ang ang an thawk ang.



Volunteers te hi MZU zirtirtute leh Zirlaite, MZU Alumni Psychology Association te, Mizoram Psychology Association te an ni a. COCID-19 Comittee on Psychological and Social Support Govt of Mizoram in a din hnuaiah Quarantine Centre hrang hrang an vil thin bawk a ni.

Volunteers te hi Disaster Management & Rehabilitation Department leh Home Department-in, engkim ruahman sakin senso a tum sak dawn a. Lirnghing hmun an chamchilh chhung hian Champhai DC staff leh Khawtlang hruaitute kaihhruaina hnuaiah an thawk ang a. An zawh fel ah Champhai DC Pi Maria CT Zuali hnenah report an pek hnuin Aizawlah an lo kir leh ang.

Post a Comment

0 Comments