MUSIC VIDEO: MAWITEI RALTE - KA NUNNA LAL KA KHUMTIR CHE

Youtube Link: https://youtu.be/gqqCphCEpMs

A hnuaiah hian he hla chungchanga thuziak dah a ni.

KA NUNNA LAL KA KHUMTIR CHE (KHB-193)

(King of my life, I crown the now)

- Marama PC

He hla phuahtu hi Jennie Evelyn Hussey-i ( 1874-1958) a ni. Ni 8, Feb. 1874 khan Neniker, New Hamsphire-ah a lo piang a. A naupan lai atanga ruhseh natna nei a ni a, a khaavel a zim hle a ni.

Kum 13 mi lek a nih atangin hla a phuah tan a, kum 16 a nih chuan chanchinbuah mi hriat a hlawh tan viau tawh a ni

 A hla bu ve an chhuah chauh a, 1958 kum khan natna awm tawh lohna hmunah chawl turin a haw ta a ni.

He hla hi 1921 kuma a phuah a ni a.A naupan lai atangin a ruh nà chuan a tibuai em em thin. Taksaah natna a tuar reng a, chuti chung chuan Lal Isua Krista tawrhna chu a hrechiang em em a, mahni inkhawngaih a.Lal Isua tuarna theihnghilh a hlau  em em thin a ni. " Lalpa, min pui rawh ni tinin, ka kross pu turin," tiin Pathian a au thin a ni.

Gethsemania Lal Isua tawrhna kha a natna tawrh nen chuan khaikhin tham pawh a ni lo tiin hla thu hmangin " Kalvari tlangah min hruai la, min hmangaihna ka theihnghilh loh nan," tiin a phuah ta a ni. " keimah hi ka inkhawngaih leh thin, nang chuan ka tawrh ai zawng zawng min tawrhsak si," tiin, he hla hmang hian Lal Isua a fak theih tawpin a la fak a ni.

"Rawngbawltu tana tenawm ber pakhat chu mahni inkhawngaihna mittui hi a ni"