MNF party leh an Chief Minister, Delhi a BJP thian Mizoram a BJP nuaibo duhtu zia tha lo tak hi BJP Central Office chuan an hria - BJP National President

Aizawl | July 24, 2020: BJP National president JP Nadda chuan, MNF party leh an Chief Minister, Delhi a BJP thian Mizoram a BJP nuaibo duhtu zia tha lo tak hi BJP Central Office chuan an hriat thu a sawi.

He thu hi Nimin tlai dar 4:30 BJP Mizoram hruaitute nena Virtual meeting an neih-ah a sawi.

JP Nadda chuan sawi chhunzawmin,  "Mizoram-a Sorkar na chelh tawh-tu ten Mizo mipui te hmasawnna tak tak tur an ngaihtuah duh hthin loh avangin Mizoram chuan ei leh bar piahlamah hmasawnna tak tak thlen tur a hma lak a awmlo chu a pawi hle a, Mizoram hian a takin hmasawnna an hmuh theih na turin BJP Central Sorkar chuan hma ala dawn ani a ti bawk.

Virtual meeting hi BJP Mizoram Pradesh office Atal Bhawan-ah BJP Mizoram State OB leh wing hrang hrang te chuan BJP National President JP Nadda, National General secretary pahnih Ram Madhav leh BL Santosh te hovin Virtual an nei.

He hunah hian State sawrkar-in Central Scheme hrang hrang a kalpui dan te, Covid-19 avanga inkharkhip chhunga state sorkar hmalak dan te, PMGKY hnuaia scheme hrang hrang state sorkarin a kalpui dan te, kum 2020 chhunga Local Bodies Election hrang hrangah BJP Mizoram Pradesh in a hma-chhawn dan tur te an sawiho a ni. 

Ram Madhav National GS(North East & J&K) pawhin thu sawiin, MNF sorkar leh Pu Zoramthanga chu central Sorkar leh BJP Central office in a zia diktak an hriat tawh thu sawi nawnin, BJP Mizoram chuan MNF chu Election eng level ah pawh kan opponent an nih thu sawiin, tuna an chet dan en hian kum 2023 ah chuan Mizo mipuiten Sorkarna an chantir tawh a beisei awm loh a ti a. Manifesto a an neih len ber leh mipuiin an beisei SEDP chuan tun thlengin awmzia a la nei lova, hei ringawt pawh hi Mizo mipuite tan hmuhsitna lian tak a tling a ni tiin, Mizoram tan BJP chu a awm a ni a ti bawk. 

BJP National GS(Org) BL Santosh pawhin State hruaitu te fuih thar in BJP chu sorkar tha siam nana Political Party pawimawh tak an nih piah lamah  tanpui ngaite tanpui vartu  an nih reng a tul thu a sawi bawk.

He hun hi BJP Mizoram State President Vanlalhmuaka'n a kaihruai a. Mahila President Lalremsangi Fanai in Covid-19 chhunga party hmalakna hrang  te report pe in general secretary Malsawmtluanga'n VC/LC leh AMC inthlan lo awm tur a BJP Party inbuatsaihna report a pe bawk.